News December 13, 2025
கர்நாடக முதல்வராகிறாரா டி.கே.சிவக்குமார்?
கர்நாடகாவில் CM நாற்காலிக்காக நடந்த பனிப்போர் முடிந்ததாக கருதப்பட்ட நிலையில், டி.கே.சிவக்குமார் ஆதரவு MLA புதிய குண்டை வீசியுள்ளார். ஜன.6-ல் முதல்வராக டி.கே.சிவக்குமார் பதவியேற்பார் என கணித்துள்ள இக்பால் ஹுசைன், அதற்கு 99% வாய்ப்புள்ளதாக கூறியுள்ளார். இதனால் கட்சியில் சலசலப்பு ஏற்பட்டுள்ளது. சமீபத்தில் சித்தராமையாவும், டி.கே.சிவக்குமாரும் தலைமையின் முடிவுக்கு கட்டுப்படுவோம் என கூறியிருந்தனர்.
Similar News
News December 16, 2025
விவசாயிகளுடன் பொங்கல் கொண்டாடவுள்ள PM மோடி
ஜனவரியில் PM மோடி தமிழகம் வரவுள்ளதாக தகவல்கள் தெரிவிக்கின்றன. விவசாயிகளுடன் பொங்கல் பண்டிகையை கொண்டாடும் அவர், நயினாரின் யாத்திரை நிறைவு விழாவிலும் பங்கேற்பார் என எதிர்பார்க்கப்படுகிறது. இந்நிலையில், பூந்தமல்லி – போரூர் வரையிலான மெட்ரோ ரயில் சேவையை அடுத்த மாதம் PM மோடி தொடங்கி வைக்கவுள்ளாராம். இந்நிகழ்ச்சியில் CM ஸ்டாலினும் கலந்துகொள்ள உள்ளதாக கூறப்படுகிறது.
News December 16, 2025
தவெக தொண்டர்களுக்கு விஜய் அறிவுறுத்தல்
வரும் 18-ம் தேதி ஈரோட்டில் நடைபெற உள்ள மக்கள் சந்திப்பு நிகழ்ச்சியில், பங்கேற்கும் தவெக தொண்டர்களுக்கு கட்சித் தலைமை அறிவுறுத்தல்களை வழங்கியுள்ளது. *குறிப்பிட்ட எண்ணிக்கையில் மட்டுமே பங்கேற்பாளர்கள் அனுமதிக்கப்படுவர். *கர்ப்பிணிகள், குழந்தைகள், முதியோர்களுக்கு அனுமதி இல்லை. *விஜய்யின் வாகனத்தை பின் தொடர கூடாது. *மரங்கள், மின் கம்பங்களில் ஏறக்கூடாது. *உரிய அனுமதியின்றி பிளக்ஸ் பேனர் வைக்க கூடாது.
News December 16, 2025
18-ம் தேதி சுழன்று அடிக்க உள்ள ‘தளபதி புயல்’
‘ஜனநாயகன்’ படத்தின் 2-ஆவது பாடல் வரும் 18-ம் தேதி வெளியாக உள்ளது. நேற்று வரையிலான பேரமைதி, 18-ம் தேதி பெரும் புயலுக்கான முன்னோட்டம் என குறிப்பிட்டு, தயாரிப்பு நிறுவனம் இதை அறிவித்துள்ளது. ஈரோட்டில் விஜய்யின் மக்கள் சந்திப்பு நடைபெறும் அதே நாளில், இப்பாடல் வெளியாக உள்ளது. முன்னதாக, இப்படத்தின் முதல் பாடல் ‘தளபதி கச்சேரி’ சமீபத்தில் வெளியாகி, பட்டிதொட்டியெங்கும் ஹிட் அடித்தது.