News December 12, 2025
BREAKING: வங்கி கணக்குகளில் மினிமம் பேலன்ஸ் குறைகிறது!
RBI திருத்த விதிகளின்படி, இனி அனைத்து வங்கிகளும் ஒரே மாதிரியான குறைந்தபட்ச இருப்புத் தொகையை கடைப்பிடிக்க வேண்டும் என உத்தரவிடப்பட்டுள்ளது. இதன்படி, சேமிப்பு கணக்குகளுக்கு நகர்புறங்களில் ₹3,000, சிறுநகரங்கள் & கிராமப்புறங்களில் ₹1,500 என நிர்ணயிக்கப்பட்டுள்ளது. இந்த மினிமம் பேலன்ஸை பராமரிக்க தவறினால் ₹100 – ₹500 அபராதம் விதிக்கப்படும். இந்த நடைமுறை டிச.10 முதல் அமலுக்கு வந்துள்ளது.
Similar News
News December 16, 2025
PF பணத்தை இனி ATM, UPI மூலம் எடுக்கலாம்..!
EPF பணத்தை ATM, UPI மூலம் எடுக்கும் வசதியை, 2026 மார்ச் மாதத்திற்குள் அறிமுகப்படுத்த உள்ளதாக மத்திய அமைச்சர் மன்சுக் மாண்டவியா தெரிவித்துள்ளார். EPF கணக்குடன் வங்கி கணக்கை இணைத்தால் போதுமானது; 75% பணத்தை எடுக்கலாம் எனவும் அவர் கூறியுள்ளார். மேலும், தற்போது பல படிவங்களை பூர்த்தி செய்து விண்ணப்பிக்கும் நிலை உள்ளது எனவும், அதை தொடர்ந்து எளிமையாக்கி வருவதாகவும் தெரிவித்துள்ளார்.
News December 16, 2025
விஜய், அதிமுக கூட்டணியா?.. செங்கோட்டையன் அறிவித்தார்
அதிமுக, பாஜகவுடன் கூட்டணி பேச்சுவார்த்தை நடக்கிறதா என செங்கோட்டையனிடம் கேள்வி எழுப்பப்பட்டது. அதற்கு அவர் மறுப்பு தெரிவிக்கவில்லை. மாறாக, தேர்தல் களம் எப்படி செல்லும் என யாராலும் யூகிக்க முடியாது, பொறுத்திருந்து தான் பார்க்க வேண்டும் என பதிலளித்தார். முன்பு, கூட்டணி பேச்சுவார்த்தை குறித்து தலைவர் விஜய் தான் முடிவு எடுப்பார் என கூறி வந்தவர், தற்போது இவ்வாறு பதிலளித்துள்ளார்.
News December 16, 2025
‘கூலி’ படம் அவ்வளவு மோசமில்லை: அஸ்வின்
சோஷியல் மீடியாவில் விமர்சிக்கப்பட்ட அளவிற்கு ‘கூலி’ படம் ஒன்றும் அவ்வளவு மோசமாக இல்லை என அஸ்வின் தெரிவித்துள்ளார். என்னை பொறுத்தவரை ஒரு படத்தை முழுவதுமாக ஒரே அமர்வில் பார்க்க முயற்சிப்பேன், இந்த படத்தை அப்படி பார்க்க முடிந்தது எனக் குறிப்பிட்டுள்ளார். விமர்சகர்கள் தெரிவித்த அளவிற்கு குறைகள் இல்லை எனவும் அவர் தெரிவித்துள்ளார். உங்களுக்கு ‘கூலி’ படம் பிடிச்சிருந்ததா?