News April 27, 2024
திருச்சி அருகே சித்திரை தேர் திருவிழா
ஸ்ரீரங்கம் ரங்கநாதர் கோவிலில் சித்திரை தேர் திருவிழா ஆண்டு தோறும் சிறப்பாக கொண்டாடப்படும். இந்த ஆண்டுக்கான விழா நாளை கொடியேற்றத்துடன் தொடங்குகிறது. இதையொட்டி, நேற்று தேரில் முகூர்த்தக்கால் நடு நிகழ்ச்சி நடந்தது. முன்னதாக கோவில் அர்ச்சகர்கள் வேதங்கள் சொல்ல முகூர்த்தகாலில், புனித நீர் தெளித்து மங்களப் பொருட்கள் அணிவிக்கப்பட்டு, சிறப்பு பூஜைகள் செய்து, முகூர்த்த கால் நடப்பட்டது.
Similar News
News November 20, 2024
திருச்சி: தனியார் துறை வேலைவாய்ப்பு முகாம்
திருச்சி மாவட்ட நிர்வாகம், மாவட்ட வேலைவாய்ப்பு மற்றும் தொழில்நெறி வழிகாட்டும் மையம் & சேஷசாயி தொழில் நுட்ப பயிலகம் இணைந்து நடத்தும் மாபெரும் தனியார் துறை வேலைவாய்ப்பு முகாம் வருகின்ற (30-11-24) அன்று அரியமங்கலம் சேஷசாயி தொழில் நுட்ப பயிலகத்தில் நடைபெற உள்ளது. இதில் கலந்துகொள்ள விருப்பமுள்ளவர்கள் www.tnprivatejobs.tn.gov.in என்ற இணையதளத்தில் பதிவு செய்யுமாறு கலெக்டர் தெரிவித்துள்ளார்.
News November 20, 2024
ஆசிரியர் மீதான தாக்குதலுக்கு அமைச்சர் கண்டனம்
திமுக திருச்சி தெற்கு மாவட்ட செயலாளரும், பள்ளிக் கல்வித்துறை அமைச்சருமான அன்பில் மகேஷ் இன்று அறிக்கை வெளியிட்டுள்ளார். அதில் மல்லிப்பட்டினம் அரசுப் பள்ளியில் பணிபுரிந்த ஆசிரியர் ரமணி அவர்களின் மீதான தாக்குதலை வன்மையாக கண்டிக்கின்றோம். ஆசிரியர்கள் மீதான வன்முறையை துளியும் சகித்துக் கொள்ள முடியாது. தாக்குதலை நடத்தியவர் மீது கடுமையான சட்ட நடவடிக்கை மேற்கொள்ளப்படும் என தெரிவித்துள்ளார்.
News November 20, 2024
சாலை விபத்தில் ஒருவர் பலி
சிறுகனூர் காவல் நிலைய எல்லைக்கு உட்பட்ட தத்தமங்கலத்தில் இருந்து மண்ணச்சநல்லூர் செல்லும் சாலையில் இரண்டு இருசக்கர வாகனங்கள் நேருக்கு நேர் மோதிய விபத்தில், வடக்கு தெரு தளுதாளப்பட்டி கிராமத்தைச் சேர்ந்த சுப்பிரமணி மகன் அனந்த் என்பவர் சம்பவ இடத்தில் பரிதாபமாக உயிரிழந்தார். உடலை கைப்பற்றிய சிறுகனூர் போலீசார் வழக்கு பதிவு செய்து விசாரணை நடத்தி வருகின்றனர்.