News November 20, 2025
பவன் மாதிரி விஜய் ஆகிவிடக் கூடாது: ரோஜா
விஜய், பவன் கல்யாண் மாதிரி இல்லாமல், MGR, ஜெயலலிதா, NTR போன்று இருக்க வேண்டும் என ரோஜா தெரிவித்துள்ளார். அரசியலுக்குள் நுழைந்த பவன், முதலில் போட்டியிடாமல் மற்றவர்களுக்காக வாக்கு கேட்டார். தற்போது TDP, BJP உடன் கூட்டணி அமைத்துள்ளார். அத்துடன், மக்கள் பணத்தில் ஹெலிகாப்டர் என்று வசதியாக வாழ்வதாகவும் ரோஜா விமர்சித்தார். எனவே, விஜய் சரியான திட்டமிடலுடன் அரசியல் செய்ய வேண்டும் என வலியுறுத்தினார்.
Similar News
News November 23, 2025
ஸ்மிருதி மந்தனாவின் திருமணம் நின்றது
இன்று நடைபெறவிருந்த ஸ்மிருதி மந்தனா, இசையமைப்பாளர் பலாஷ் முச்சலின் திருமணம் தவிர்க்க முடியாத காரணங்களுக்காக ஒத்திவைக்கப்பட்டுள்ளது. ஸ்மிருதியின் தந்தை சீனிவாஸ் மந்தனாவுக்கு திடீரென மாரடைப்பு ஏற்பட்டதையடுத்து, மகாராஷ்டிராவின் சாங்லியில் உள்ள ஹாஸ்பிடலில் அனுமதிக்கப்பட்டுள்ளார். அவரது உடல்நிலை சீராக இருப்பதாகவும், தொடர்ந்து மருத்துவ கண்காணிப்பில் உள்ளதாகவும் முதற்கட்ட தகவல்கள் தெரிவிக்கின்றன.
News November 23, 2025
-40°C குளிரில் இந்திய நகரம் PHOTOS
டிராஸ், கார்கில் மாவட்டத்தில் உயரமான மலைகளுக்கு நடுவே அமைந்துள்ள நகரம். இது, பூமியில் மக்கள் வாழும் மிகவும் குளிரான பகுதிகளில் ஒன்று. இங்கு, குளிர்காலத்தில் வெப்பநிலை, இயல்பாகவே -20°C முதல் -30°C வரை செல்லும். இந்நிலையில், 3 நாள்களுக்கு முன், – 40°C-க்கு குறைந்தது. இதன்மூலம், டிராஸ் உலகின் 2-வது குளிர்பகுதியாக மாறியுள்ளது. மேலே உள்ள இதன் அழகிய போட்டோஸை, ஒவ்வொன்றாக ஸ்வைப் செய்து பாருங்க.
News November 23, 2025
Squid Game USA வெர்ஷன்: புதிய அப்டேட்
தென் கொரிய தொடரான ‘Squid Game’ உலகளவில் பெரும் வரவேற்பை பெற்றது. இந்நிலையில், புதிய கதைக் களம், கதாபாத்திரங்களுடன் இதன் அமெரிக்க வெர்ஷன் உருவாகவுள்ளது. இந்த வெர்ஷனை Fight Club, Panic Room போன்ற பேமஸ் படங்களை இயக்கிய David Fincher தான் இயக்குகிறார். இவருக்கு கிரியேட்டிவ் சப்போர்ட்டாக Squid Game இயக்குநர் Hwang Dong-hyuk பணியாற்ற உள்ளார். இதன் படப்பிடிப்பு 2026 பிப்ரவரியில் தொடங்கவுள்ளது.