News November 19, 2025
டெல்லி குண்டு வெடிப்பு: துருக்கி நிறுவனத்தில் ரெய்டு
டெல்லி கார் குண்டு வெடிப்பு சம்பவத்தில் துருக்கி நிறுவனங்களுக்கு தொடர்பு இருப்பதாக சந்தேகிக்கப்படுகிறது. அதனால், உ.பி.யில் உள்ள இஸ்தான்புல் இண்டர்நேஷனல் பிரைவேட் லிமிடட் எனும் அச்சகத்தில் தீவிரவாத தடுப்பு பிரிவு போலீசார் இன்று சோதனை செய்தனர். இந்தியாவுக்கு எதிரான வெறுப்பு பிரசுரங்கள் இங்கு அச்சடிக்கப்பட்டதாக தெரிகிறது. அங்கிருந்து CCTV வீடியோக்கள், முக்கிய ஆவணங்களை போலீசார் பறிமுதல் செய்துள்ளனர்.
Similar News
News November 21, 2025
மெட்ரோ திட்டத்திற்கு அனுமதி கொடுக்க வேண்டும்: ராமதாஸ்
கோவை, மதுரை மெட்ரோ ரயில் திட்டங்களுக்கு மத்திய அரசு அனுமதி அளிக்க வேண்டும் என்று ராமதாஸ் வலியுறுத்தியுள்ளார். திட்டம் தொடர்பான அறிக்கையை 2024-ல் அனுப்பிய தமிழ்நாடு அரசு, அதற்கான பூர்வாங்க பணிகளையும் தொடங்கியுள்ளதாக ராமதாஸ் குறிப்பிட்டுள்ளார். எதிர்கால வளர்ச்சியை கருத்தில் கொண்டு, திட்டத்துக்கு ஒப்புதல் அளித்து, அதற்கான நிதியை விடுவிக்க வேண்டும் என்று அவர் கோரியுள்ளார்.
News November 21, 2025
‘சிக்கன் 65’ பெயர் வந்தது எப்படி தெரியுமா?
அசைவ பிரியர்களின் விருப்பமான உணவு ‘சிக்கன் 65’. அதை விரும்பி சாப்பிடும் பலருக்கும் அதன் பெயர் காரணம் தெரியாது. உண்மையில் இந்த பெயர் வந்தது தமிழகத்தில் இருந்து தான். 1965-ல் சென்னை புஹாரி ஹோட்டல் உரிமையாளர் AM புஹாரி தான், இதை முதலில் அறிமுகப்படுத்தினார். மசாலாவில் ஊறவைத்து பொறித்த கோழிக்கறியை புதிய டிஷ் ஆக அறிமுகம் செய்த அவர், அந்த ஆண்டை வைத்து ‘சிக்கன் 65’ என்று குறிப்பிட அது பிரபலமாகிவிட்டது.
News November 21, 2025
ஆப்கன் எல்லையில் பாக்., தாக்குதல்: 23 பேர் பலி
PAK-AFG இடையே பதற்றம் அதிகரித்து வரும் நிலையில், ஆப்கன் எல்லைக்கு அருகே இரண்டு தனித்தனி தாக்குதல்களை பாகிஸ்தான் ராணுவம் நடத்தியுள்ளது. குர்ரம் மாவட்டத்தில் தடை செய்யப்பட்ட TTP குழுவை சேர்ந்தவர்கள் பதுங்கியுள்ளதாக கிடைத்த ரகசிய தகவலின் பேரில் இந்த தாக்குதல் நடத்தப்பட்டுள்ளது. இதில், 23 தீவிரவாதிகள் கொல்லப்பட்டதாக பாக்., ராணுவம் தெரிவித்துள்ளது.