News April 22, 2024
சித்திரை திருவிழா தேரோட்டம் கோலாகலம்
மதுரை மீனாட்சி அம்மன் கோயில் சித்திரைத் திருவிழாவின் முக்கிய நிகழ்வான தேரோட்டம் இன்று காலை 6.30 மணி அளவில் நடைபெறுகிறது. மாசி வீதிகளில் தேரை வடம்பிடிக்கவும், மீனாட்சி சுந்தரேஸ்வரரை தரிசனம் செய்யவும் ஏராளமான மக்கள் குவிந்துள்ளனர். இதையொட்டி, ஏராளமான போலீசார் குவிக்கப்பட்டு, பலத்த பாதுகாப்பு ஏற்பாடுகள் செய்யப்பட்டுள்ளன. இன்று காலை 6 மணிக்கு மூன்று மாவடியில் கள்ளழகர் எதிர் சேவை நடைபெறுகிறது.
Similar News
News January 17, 2026
மத்திய அரசு ஊழியர்களுக்கு இனிப்பான செய்தி
மத்திய அரசு ஊழியர்களுக்கு ‘Composite Salary Account Package’ -ஐ நிதி அமைச்சகம் அறிவித்துள்ளது. அதன்படி வங்கி, காப்பீடு சேவைகள் ஒரே கணக்கின் கீழ் ஒருங்கிணைக்கப்பட்டு பல புதிய சலுகைகள் அறிவிக்கப்பட்டுள்ளன. அனைத்து பிரிவு ஊழியர்களுக்கு விபத்து காப்பீடாக ₹1.5 – 2 கோடி, ஊனம் ஏற்பட்டால் ₹1.5 கோடி வழங்கப்படும். மேலும், வீடு, கல்வி, வாகனம், தனிநபர் கடன்களுக்கான வட்டிவிகிதம் கணிசமாக குறைக்கப்பட்டுள்ளது.
News January 17, 2026
டிரம்ப் முடிவால் இந்தியாவுக்கு பின்னடைவு
ஈரானுடன் வர்த்தகம் செய்யும் நாடுகளுக்கு 25% கூடுதலாக வரிவிதிக்கப்படும் என <<18842996>>டிரம்ப்<<>> எச்சரித்திருந்த நிலையில், இந்தியாவிற்கு பெரும் பின்னடைவு ஏற்பட்டுள்ளது. <<18868892>>ஈரானில்<<>> பல ஆயிரம் கோடி மதிப்பில் அமைத்து வந்த சபஹார் துறைமுகத்தில் இருந்து வெளியேறும் நிலைக்கு இந்தியா தள்ளப்பட்டுள்ளது. இருப்பினும், ஏப்ரல் வரை டிரம்ப் கால அவகாசம் கொடுத்துள்ளதால், தொடர்ந்து பேச்சுவார்த்தை நடத்த உள்ளதாகவும் தெரிவித்துள்ளது.
News January 17, 2026
கடைசி போட்டியிலாவது விளையாட விடுங்கள்: அஸ்வின்
நியூஸி.,க்கு எதிரான 2 ODI-களிலும் அர்ஷ்தீப் சிங்கை அணியில் சேர்க்காதது குறித்து அஸ்வின் அதிருப்தி தெரிவித்துள்ளார். குறைந்தபட்சம் 3-வது போட்டியிலாவது அவருக்கு வாய்ப்பளிக்க வேண்டும். அவர் இந்த இடத்தை அடைய கடுமையாக உழைத்துள்ளார். இந்திய அணியின் பல வெற்றிகளுக்கு அவர் உறுதியான பங்களிப்புகளை செய்திருந்தும், அணியில் இடம் கிடைப்பது தொடர் போராட்டமாகவே இருந்து வருவதாகவும் அஸ்வின் தெரிவித்துள்ளார்.