News April 22, 2024
எப்போதும் மக்களுடன் தான் இருப்பேன்
தேர்தல் முடிவுகள் எப்படி வந்தாலும் மக்களுடன் தான் இருப்பேன் என மே.வங்கத்தின் பஹரம்பூரில் போட்டியிடும் திரிணாமுல் காங்.,வேட்பாளரும், முன்னாள் கிரிக்கெட் வீரருமான யூசுப் பதான் தெரிவித்துள்ளார். மேலும், தகுதியான நல்ல எதிர்காலத்திற்காக மக்களுடன் இருப்பேன். தற்போது இருக்கும் நேர்மறையான மனநிலையில் நான் வெற்றி பெறுவேன்.தோல்விக்கான சாத்தியக்கூறுகளைப் பற்றி கவலைப்படவில்லை எனவும் அவர் தெரிவித்துள்ளார்.
Similar News
News January 16, 2026
திமுக அரசின் கொள்ளைத் திட்டம்: அன்புமணி
1553 மெகாவாட் மின்சாரத்தை ஒரு யூனிட் ₹9.50 வரை விலை கொடுத்து வாங்க வேண்டும் என்ற திமுக அரசின் கொள்ளைத் திட்டத்திற்கு ஒழுங்குமுறை ஆணையம் அனுமதிக்கக் கூடாது என அன்புமணி வலியுறுத்தியுள்ளார். அதிக விலை கொடுத்து மின்சாரத்தை வாங்குவது மின்வாரியத்திற்கு இழப்பையே ஏற்படுத்தும். எனவே, சந்தை சராசரி விலையை கணக்கிட்டு, அதற்கும் குறைவான விலையிலேயே மின்சாரத்தையும் வாங்க ஆணையிட வேண்டும் எனவும் கூறியுள்ளார்.
News January 16, 2026
சனாதன தர்மத்தில் வேரூன்றி நிற்கும் திருவள்ளுவர்: R.N.ரவி
திருவள்ளுவர் தினத்தையொட்டி, அவரது சிலைக்கு மாலை அணிவித்து, கவர்னர் RN ரவி மரியாதை செலுத்தினார். இதுகுறித்து அவரது X-ல், வள்ளுவரின் ஆழமான ஞானம், பல நூற்றாண்டுகளாக பாரதத்தின் தார்மீக மற்றும் ஆன்மிக உணர்வுகளை வடிவமைத்துள்ளது. பாரதிய பாரம்பரியத்தின் காலத்தால் அழியாத தமிழ் பொக்கிஷமான திருக்குறள், சனாதன தர்மத்தின் நித்திய நெறிமுறைகளில் திடமாக வேரூன்றி, காலம் கடந்து நிற்கிறது என்று கூறியுள்ளார்.
News January 16, 2026
நடிகை கனகா சந்திப்பு.. புதிய அப்டேட்
தமிழ் சினிமாவின் எவர்கிரீன் ஜோடி, <<18843012>>ராமராஜன்<<>>- கனகா சந்தித்த போட்டோ சமீபத்தில் வைரலானது. கனகாவை நீண்ட நாள்களாக பார்க்க வேண்டும் என நினைத்ததாக இந்த மீட்டிங் குறித்து ராமராஜன் தெரிவித்துள்ளார். இருவரும் பழைய விஷயங்கள் குறித்து பேசியதாகவும், அது மகிழ்ச்சியாக இருந்ததாகவும் அவர் குறிப்பிட்டார். குண்டாகிவிட்டதாக வருத்தப்பட்ட கனகாவிடம் மனசுதான் முக்கியம் என கூறியதாகவும் ராமராஜன் பகிர்ந்து கொண்டார்.