News November 19, 2025
விஜய் RSS சித்தாந்தத்துடன் ஒன்றுபட்டவர்: அப்பாவு
SIR-க்கு எதிராக தவெக நடத்திய போராட்டம் வெறும் கண்துடைப்பு என சபாநாயகர் அப்பாவு விமர்சித்துள்ளார். உண்மையில் SIR-ஐ எதிர்ப்பதாக இருந்தால் விஜய் SC-ல் வழக்கு தொடர்ந்திருக்க வேண்டும் என அவர் கூறியுள்ளார். மேலும் விஜய், RSS சித்தாந்தத்துடன் ஒன்றுபட்டுள்ளதாகவும், இருவரும் ஒன்றிணைவார்கள் எனவும் பேசியுள்ளார். SIR-க்கு எதிராக விஜய் போட்ட வீடியோவில் மத்திய அரசை விமர்சிக்கவில்லை எனவும் சாடியுள்ளார்.
Similar News
News November 19, 2025
BJP, EC-ன் கூட்டு சதியே SIR : திருமாவளவன்
SIR என்பது பாஜகவும், தேர்தல் ஆணையமும் இணைந்து நடத்துகிற ஒரு கூட்டு சதி என்று திருமாவளவன் விமர்சித்துள்ளார். எதிர்ப்பு வாக்குகளை வாக்காளர் பட்டியலில் இருந்து நீக்கும் செயல்திட்டமாக SIR வடிவமைக்கப்பட்டு இருப்பதாகவும் அவர் குற்றஞ்சாட்டியுள்ளார். மேலும், SIR பணிகளை நிறுத்திவிட்டு Summary revision நடைமுறையை EC பின்பற்ற வேண்டும் என வலியுறுத்தி விசிக போராட்டம் நடத்தவுள்ளதாகவும் அவர் தெரிவித்துள்ளார்.
News November 19, 2025
மகளிர் உரிமைத் தொகை ₹1,500 ஆக உயர்கிறதா?
பிஹார் தேர்தல் வெற்றிக்கு பெண்கள் முக்கிய காரணமாக இருந்ததால், மகளிர் உரிமைத் தொகையை உயர்த்துவது குறித்து தமிழக அரசு பரிசீலித்து வருவதாக தகவல் வெளியாகியுள்ளது. விடுபட்ட தகுதியானவர்களுக்கு ஜனவரி முதல் வழங்க திட்டமிடப்பட்டுள்ளதாம். அதேநேரம், தொகையை ₹1,500 ஆக உயர்த்தி வழங்குவது சாத்தியமா என அதிகாரிகளிடம் CM கேட்டதாக தகவல் கசிந்துள்ளது. இந்த யோசனை ஏற்கப்பட்டால் மகளிர் உரிமைத் தொகை ₹1,500 ஆக உயரலாம்.
News November 19, 2025
30 வருட பழைய காருக்கு ரூ.10 லட்சம்.. ஏன் தெரியுமா?
கர்நாடகாவைச் சேர்ந்த ஒருவர், தனது முதல் கார் மாருதி 800-ஐ கண்டுபிடித்து தந்தவர்களுக்கு ₹10 லட்சம் கொடுத்துள்ளார். 1994-ல் ரூ.1.10 லட்சத்திற்கு வாங்கி, 1997-ல் விற்ற காரை, கண்டுபிடித்து தருபவர்களுக்கு ₹10 லட்சம் தருவதாக SM-யில் பதிவிட்டார். இதையடுத்து, இன்ஸ்டா நண்பர்கள், அந்த காரை கொண்டுவந்து, அவரிடம் சேர்த்தனர். கார் கிடைத்த மகிழ்ச்சியில் திகைத்துபோன அவர், சொன்னபடியே பணத்தையும் கொடுத்துள்ளார்.