News November 16, 2025
BREAKING: அரையாண்டு தேர்வு அட்டவணை வெளியீடு
அரையாண்டு தேர்வு அட்டவணையை பள்ளிக்கல்வித் துறை வெளியிட்டுள்ளது. 10, 11, 12-ம் வகுப்பு மாணவர்களுக்கு டிச.10 – டிச.23 வரை தேர்வு நடைபெறும். 6 – 9-ம் வகுப்பு மாணவர்களுக்கு டிச.15 – 23 வரை தேர்வுகள் நடைபெறும் எனத் தெரிவிக்கப்பட்டுள்ளது. இதனையடுத்து, டிச. 24 முதல் ஜன.4 வரை பள்ளிகளுக்கு அரையாண்டு விடுமுறை எனத் தெரிவிக்கப்பட்டுள்ளது. என்ன மாணவர்களே, தேர்வுக்கு தயாரா?
Similar News
News November 16, 2025
ரஜினியை இயக்கும் தனுஷ்?
கமல் தயாரிப்பில் ரஜினி நடிக்கவுள்ள படத்தை தனுஷ் இயக்கலாம் என தகவல் வெளியாகியுள்ளது. தவிர்க்க முடியாத காரணங்களுக்காக படத்தில் இருந்து விலகுவதாக சுந்தர்.சி அறிவித்திருந்த நிலையில், ரஜினியிடம் தனுஷ் ஒன் லைனில் கதை சொல்லியிருப்பதாக கூறப்படுகிறது. இதையடுத்து, கதை விரிவாக்க பணிகளில் தனுஷ் ஈடுபட்டுள்ளதாக கோலிவுட் வட்டாரம் தெரிவிக்கிறது. ரஜினியை யார் இயக்கினால் நன்றாக இருக்கும் ?
News November 16, 2025
வக்கிரப் பெயர்ச்சி: 3 ராசிக்கு எச்சரிக்கை
நவம்பரில் குரு, புதன் மற்றும் சனி கிரகங்களின் வக்கிரப் பெயர்ச்சிகள் நடைபெறுகின்றன. இதனால் 3 ராசியினருக்கு 2026 மார்ச் வரை சில தொந்தரவுகள் நேரலாம் என்பதால் சற்று எச்சரிக்கையாக இருப்பது நலம்: *மேஷம்: குடும்பம், சொத்து, தாய்வழி உறவுகளில் கவனம் தேவை *கும்பம்: தொழில் போட்டி, எதிரிகள் அதிகரிக்கலாம். உடல்நலத்தில் கவனம் தேவை *ரிஷபம்: குடும்ப பிரச்னைகள், திருமணத் தடைகள் ஏற்பட்டாலும், விரைவில் நீங்கும்.
News November 16, 2025
வீரநடை போடும் டெம்பா பவுமாவின் படை
டெஸ்ட் கிரிக்கெட்டில், டெம்பா பவுமா தலைமையிலான தென்னாப்பிரிக்க அணி வீரநடை போட்டு வருகிறது. அவருடைய கேப்டன்சியில் தென்னாப்பிரிக்கா விளையாடிய 11 போட்டிகளில் ஒன்றில் கூட தோற்கவில்லை. 10 போட்டிகளில் வெற்றி, ஒரு போட்டி டிராவில் முடிந்துள்ளது. ஏற்கெனவே, நடப்பாண்டில் ஆஸ்திரேலியாவை வீழ்த்தி டெஸ்ட் சாம்பியன்ஷிப்பை வென்ற SA அணி, தங்கள் மீதான Chokers டேக்கையும் உடைத்தெறிந்தது குறிப்பிடத்தக்கது.