News November 13, 2025
அதிமுகவில் இணையவில்லை… அதிகாரப்பூர்வமாக அறிவிப்பு
OPS ஆதரவாளரான வைத்திலிங்கம், அதிமுகவில் இணையவுள்ளதாக காட்டுத்தீ போல் தகவல் பரவி வருகிறது. இதனை வைத்திலிங்கம் மறுத்துள்ளார். தான் அதிமுகவில் சேரவிருப்பதாக வெளியான செய்தி பொய்யானது என வைத்திலிங்கம் விளக்கம் அளித்துள்ளார். அண்மையில், OPS ஆதரவாளர் மனோஜ் பாண்டியன் திமுகவில் இணைந்ததை அடுத்து, வைத்திலிங்கமும் OPS அணியில் இருந்து வெளியேறுவார் என தகவல் பரவியது குறிப்பிடத்தக்கது.
Similar News
News November 13, 2025
SIR-ஐ ஒத்திவைக்க கோரிய கேரளா: ECI எதிர்ப்பு
SIR-க்கு எதிர்ப்பு தெரிவித்து திமுக மற்றும் அதன் கூட்டணி கட்சிகள் சார்பில் SC-ல் வழக்கு தொடரப்பட்டுள்ளது. இந்நிலையில், SIR பணிகளை ஒத்திவைக்க கோரி கேரள அரசு, மாநில ஐகோர்ட்டில் மனு தாக்கல் செய்துள்ளது. உள்ளாட்சி தேர்தல் மற்றும் SIR பணிகளை ஒரே நேரத்தில் மேற்கொள்வது மாநில நிர்வாகத்திற்கு அழுத்தத்தை தருவதாக அரசு வாதிட்ட நிலையில், ECI இதற்கு கடும் எதிர்ப்பு தெரிவித்துள்ளது.
News November 13, 2025
தம்பி விஜய்க்கு தபால் போடவுள்ளேன்: தமிழிசை
‘SIR தேவை’ என்ற புத்தகத்தை தம்பி விஜய்க்கு தபாலில் அனுப்பவுள்ளதாக தமிழிசை செளந்தரராஜன் கூறியுள்ளார். SIR-க்கு எதிராக தவெக போராட்டம் நடத்தவுள்ளதாக வெளியான தகவலுக்கு பதிலளித்த அவர், திமுகதான் SIR-க்கு எதிராக அரசியலுக்காக போராட்டம் நடத்துகிறது என்றால், புதுக்கட்சியான தவெகவும் போராட்டம் நடத்துவது என்பது தேவையற்றது என்றார். இந்த SIR பணிகள், தவெகவுக்கு உறுதுணையாக இருக்கும் என்றும் அவர் தெரிவித்தார்.
News November 13, 2025
பெண்களை விட ஆண்களே இதை அதிகம் செய்ய வேண்டும்!
இதயநோய் அபாயத்தை குறைக்க உடற்பயிற்சி செய்வது அவசியம். ஆனால், பெண்களை விட ஆண்களுக்கு தான் உடற்பயிற்சி அதிகம் தேவை என சமீபத்திய ஆய்வு ஒன்று தெரிவித்துள்ளது. ஆண்கள் ஒரு நாளைக்கு சுமார் 75 நிமிடங்கள் உடற்பயிற்சி செய்ய வேண்டும். ஆனால், பெண்கள் ஒரு நாளைக்கு 35 நிமிடங்கள் உடற்பயிற்சி செய்தாலே போதுமாம். பெண்களின் உடலில் உள்ள ஈஸ்ட்ரோஜன், கொழுப்பை கரைப்பதற்கு உதவுவதே இதற்கு காரணம் என்று ஆய்வு கூறுகிறது.