News November 13, 2025
BIHAR RESULT: வெற்றி கொண்டாட்டங்களுக்கு தடை
பிஹார் தேர்தலுக்கான வாக்கு எண்ணிக்கை நாளை (நவ.14) நடைபெற உள்ள நிலையில், சட்டம் ஒழுங்கை பாதுகாக்க, தலைநகர் பாட்னாவில் நவ.16 வரை தேர்தல் நடத்தை விதிகளை நீட்டித்து ECI உத்தரவிட்டுள்ளது.
தேர்தல் நடத்தை விதிகள் முடிவடையும் வரை வெற்றி கொண்டாட்டங்கள், ஊர்வலங்கள் நடத்த மாவட்ட ஆட்சியர் தடை விதித்துள்ளார். நடத்தை விதிகளை மீறினால் கடும் நடவடிக்கை எடுக்கப்படும் எனவும் எச்சரிக்கை விடுக்கப்பட்டுள்ளது.
Similar News
News November 13, 2025
ரஜினி, கமல் படத்தில் இருந்து சுந்தர் சி விலகினார்
ரஜினி நடிப்பில் கமல் தயாரிக்க இருந்த படத்தில் இருந்து விலகுவதாக சுந்தர் சி அதிகாரப்பூர்வமாக அறிவித்துள்ளார். தவிர்க்க இயலாத காரணத்தால் படத்தில் இருந்து வெளியேறுவதாக தனது அறிக்கையில் அவர் குறிப்பிட்டுள்ளார். இருவர் மீதும் தனக்கு அளவில்லாத மரியாதை இருப்பதாகவும், ஆனால் இணைந்து பணியாற்றக் கூடிய சூழல் இப்போது இல்லை எனவும் கூறியுள்ளார். நல்ல படங்கள் மூலம் தொடர்ந்து மகிழ்விப்பேன் என்றும் தெரிவித்தார்.
News November 13, 2025
அதிமுகவில் இணையவில்லை… அதிகாரப்பூர்வமாக அறிவிப்பு
OPS ஆதரவாளரான வைத்திலிங்கம், அதிமுகவில் இணையவுள்ளதாக காட்டுத்தீ போல் தகவல் பரவி வருகிறது. இதனை வைத்திலிங்கம் மறுத்துள்ளார். தான் அதிமுகவில் சேரவிருப்பதாக வெளியான செய்தி பொய்யானது என வைத்திலிங்கம் விளக்கம் அளித்துள்ளார். அண்மையில், OPS ஆதரவாளர் மனோஜ் பாண்டியன் திமுகவில் இணைந்ததை அடுத்து, வைத்திலிங்கமும் OPS அணியில் இருந்து வெளியேறுவார் என தகவல் பரவியது குறிப்பிடத்தக்கது.
News November 13, 2025
பிரபல நடிகர் கைது
பிரபல சீரியல் நடிகரும், பிக்பாஸ் பிரபலமுமான தினேஷை போலீசார் அதிரடியாக கைது செய்துள்ளனர். இளம்பெண்ணுக்கு மின்வாரியத்தில் வேலை வாங்கி தருவதாக கூறி ₹3 லட்சம் பெற்று மோசடி செய்ததாகவும், கொடுத்த பணத்தை கேட்டபோது தாக்குதல் நடத்தியதாகவும் இளம்பெண்ணின் தந்தை போலீசில் புகார் அளித்துள்ளார். அதன் அடிப்படையில், நெல்லையில் வைத்து தினேஷை கைது செய்த போலீஸ், விசாரணை மேற்கொண்டு வருகின்றனர்.