News November 11, 2025
BREAKING: டாஸ்மாக் கடைகளில் ரூல்ஸ் மாறுகிறது
டாஸ்மாக் கடைகளில் கூடுதல் விலைக்கு மது விற்பதை தடுக்க அரசு புதிய நடவடிக்கை எடுத்துள்ளது. அதன்படி, சென்னையில் முதல்கட்டமாக 70 டாஸ்மாக் கடைகளில் MRP விலையில் மது விற்பனை செய்யும் திட்டம் விரைவில் அறிமுகமாக உள்ளது. டிஜிட்டல் பரிவர்த்தனை மூலம் பணம் செலுத்தும்போது, பாட்டிலில் அச்சிடப்பட்ட விலைக்கு மட்டுமே டைனமிக் QR CODE உருவாக்கப்படும். விரைவில் தமிழகம் முழுவதும் இந்த திட்டம் நடைமுறைக்கு வரவுள்ளது.
Similar News
News November 11, 2025
பிஹாரில் 2-ம் கட்ட வாக்குப்பதிவு நிறைவு
பிஹாரில் இறுதிக்கட்டமாக இன்று நடைபெற்ற 122 தொகுதிகளுக்கான வாக்குப்பதிவு நிறைவடைந்தது. டெல்லி வெடிகுண்டு சம்பவத்தின் எதிரொலியாக, பலத்த பாதுகாப்பிற்கு மத்தியில் வாக்குப்பதிவு நடந்தது. இந்நிலையில், மாலை 5 மணி நிலவரப்படி 67.14% வாக்குகள் பதிவாகி இருக்கின்றன. ஏற்கெனவே முதற்கட்ட தேர்தலில் 65.08% வாக்குகள் பதிவாகியிருந்தது குறிப்பிடத்தக்கது. வரும் 14-ம் தேதி வாக்கு எண்ணிக்கை நடக்கிறது.
News November 11, 2025
ரஷித் கானுக்கு 2-வது திருமணம்?
ஆப்கானிஸ்தான் வீரர் ரஷித் கான் 2-வது திருமணம் செய்து கொண்டுள்ளார். இது தொடர்பாக இன்ஸ்டாவில் பதிவிட்டுள்ள அவர், கடந்த ஆக.20-ம் தேதி வாழ்க்கையின் புதிய அத்தியாயத்தை தொடங்கியதாக தெரிவித்துள்ளார். தான் எதிர்பார்த்தது போல அன்பு, அமைதியை உருவகப்படுத்தும் வகையில் தன் மனைவி திகழ்வதாக கூறியுள்ளார். ரஷித் கான் கடந்த ஆண்டு தனது உறவுக்கார பெண்ணை திருமணம் செய்திருந்தார் என்பது குறிப்பிடத்தக்கது.
News November 11, 2025
ALERT: தங்கம் விலை தடாலடியாக மாறுகிறது
24 காரட் தங்கம் 10 கிராம்- ₹1.25 லட்சம், வெள்ளி 1 கிலோ ₹1.55 லட்சம் என விலை மீண்டும் உச்சம் தொட்டுள்ளது. USA ஃபெடரல் வங்கி, வட்டியை குறைக்கும் என்ற எதிர்பார்ப்பு, பலவீனமான US டாலர், அமெரிக்க அரசின் ஷட் டவுன் மற்றும் சர்வதேச பிரச்னைகள் காரணமாக அனைவரும் தங்கத்தை வாங்கிக் குவிக்கின்றனர். அவ்வப்போது சற்று குறைந்தாலும், அடுத்த ஆண்டுவரை உயர்வு தொடரும் எனக் கணிக்கப்படுகிறது. ஆகவே கவனமா முடிவெடுங்க.