News November 6, 2025
அணு ஆயுத சோதனைக்கு ரெடியாகிறதா ரஷ்யா?
அதிபர் டிரம்ப் அணு ஆயுத சோதனைகளை மீண்டும் தொடங்க உள்ளதாக சமீபத்தில் அறிவித்தார். தொடர்ந்து ரஷ்யாவும், அமெரிக்காவும் மாறி மாறி ஏவுகணை சோதனைகளை நடத்தி வருகிறது. இந்நிலையில், ரஷ்ய அதிபர் புதின் அணு ஆயுத சோதனைகளுக்கான திட்டங்களை தயாரிக்க தனது உயர் அதிகாரிகளுக்கு உத்தரவிட்டுள்ளார். ரஷ்யா ஒருவேளை அணு ஆயுத சோதனையை நடத்தினால், கடந்த 35 ஆண்டுகளாக உள்ள உலகளாவிய அணு ஆயுத சோதனைக்கான தடையை உடைத்துவிடும்.
Similar News
News November 6, 2025
BREAKING: விடுமுறை… நாளை முதல் முக்கிய அறிவிப்பு
வார விடுமுறையில் மக்கள் நெரிசலின்றி ஊர்களுக்குச் செல்ல சுமார் 1,000 சிறப்பு பஸ்களை TNSTC அறிவித்துள்ளது. அதன்படி, நாளை(நவ.7) முதல் 9-ம் தேதி வரை சென்னையில் கிளாம்பாக்கம், கோயம்பேடு, மாதவரம் உள்ளிட்ட இடங்களிலும், கோவை, திருச்சி, மதுரை போன்ற நகரங்களில் இருந்தும் கூடுதல் பஸ்கள் இயக்கப்பட உள்ளன. www.tnstc.in இணையதளம், TNSTC செயலியில் டிக்கெட் முன்பதிவு செய்தும் பயணிக்கலாம். SHARE IT.
News November 6, 2025
ஓட்டுப் போட மிகவும் ஆர்வம் காட்டும் பிஹார் மக்கள்
விறுவிறுப்பாக நடைபெற்று வரும் பிஹார் தேர்தலில், மதியம் ஒரு மணி வரை, 42.31% வாக்குகள் பதிவாகியுள்ளன. வழக்கத்தை விட இம்முறை பிஹார் மக்கள் மிகுந்த ஆர்வத்துடன் வாக்களித்து வருவதை வாக்குப்பதிவு சதவீதம் தெளிவாக காட்டுகிறது. அதிகபட்சமாக கோபால்கஞ்ச் மாவட்டத்தில் 46.73% வாக்குகள் பதிவாகியுள்ளதாக EC தெரிவித்துள்ளது. பிஹாரில் முதற்கட்டமாக 121 தொகுதிகளில் இன்று வாக்குப்பதிவு நடைபெற்று வருகிறது.
News November 6, 2025
RAIN ALERT: 19 மாவட்டங்களில் மழை வெளுக்கப் போகுது!
பல்வேறு மாவட்டங்களில் விட்டு விட்டு மழை பெய்து வரும் நிலையில், அடுத்த 2 மணி நேரத்திற்கு 19 மாவட்டங்களில் மழை பெய்யக்கூடும் என IMD அலர்ட் கொடுத்துள்ளது. குறிப்பாக, திருவள்ளூர், சென்னை, காஞ்சி, செங்கல்பட்டு, ராணிப்பேட்டை, வேலூர், தருமபுரி, திருப்பத்தூர், விழுப்புரம், தி.மலையில் இடியுடன் மழையும், கள்ளக்குறிச்சி, தென்காசி உள்ளிட்ட மாவட்டங்களில் மிதமான மழையும் பெய்யக்கூடும் எனவும் தெரிவித்துள்ளது.