News November 4, 2025
இன்னும் சற்று நேரத்தில் வருகிறது.. HAPPY NEWS
2025 – 2026 கல்வி ஆண்டிற்கான 10 மற்றும் 12-ம் வகுப்பு பொதுத்தேர்வு அட்டவணையை இன்று(நவ.4) காலை 10 மணிக்கு அமைச்சர் அன்பில் மகேஸ் வெளியிட உள்ளார். அடுத்தாண்டு ஏப்ரல் மாத இறுதிக்குள் சட்டப்பேரவை தேர்தல் நடைபெற வாய்ப்புள்ளது. இதனால், கடந்த ஆண்டை விட முன்னதாகவே பொதுத்தேர்வு தேதிகள் இருக்கும் என கூறப்படுகிறது. தேர்வு அட்டவணையை எதிர்நோக்கி பல லட்சம் மாணவர்கள், பெற்றோர் ஆர்வமுடன் காத்திருக்கின்றனர்.
Similar News
News November 4, 2025
பிஹார் தேர்தல்: இன்றுடன் பிரசாரம் நிறைவடைந்தது
பிஹார் சட்டப்பேரவைத் தேர்தலின் முதல்கட்ட வாக்குப்பதிவு வரும் நவ.6-ம் தேதி நடைபெற உள்ளது. இந்நிலையில், கடந்த சில வாரங்களாக நடைபெற்று வந்த அனல் பறக்கும் பிரசாரம் இன்று மாலை 5 மணியுடன் நிறைவு பெற்றது. 243 தொகுதிகளை கொண்ட பிஹாரில், முதல் கட்டமாக 121 தொகுதிகளில் வாக்குப்பதிவு நடைபெறுகிறது. எஞ்சிய தொகுதிகளுக்கான 2-ம் கட்ட வாக்குப்பதிவு நவ.11-ம் தேதி நடைபெற உள்ளது.
News November 4, 2025
BREAKING: நடிகை த்ரிஷா வீட்டில் குவிந்த போலீஸ்… பதற்றம்
சென்னையில் நடிகை த்ரிஷா வீட்டிற்கு வெடிகுண்டு மிரட்டல் விடுக்கப்பட்ட சம்பவம் பரபரப்பை ஏற்படுத்தியுள்ளது. நிபுணர்கள், மோப்ப நாய் உதவியுடன் போலீசார் அங்கு சோதனை மேற்கொண்டனர். இதில், வெடிகுண்டு மிரட்டல் வெறும் புரளி எனத் தெரியவந்தது. இதேபோல், நடிகர் விஷால், இயக்குநர் மணிரத்னம் உள்ளிட்டோரின் வீடுகளுக்கும் மர்ம நபர் வெடிகுண்டு மிரட்டல் விடுத்துள்ளார்.
News November 4, 2025
BREAKING: பதவியை ராஜினாமா செய்தார் மனோஜ் பாண்டியன்
இன்று காலையில் திமுகவில் இணைந்த OPS ஆதரவாளர் மனோஜ் பாண்டியன், தனது MLA பதவியை ராஜினாமா செய்துள்ளார். சென்னை தலைமைச் செயலகத்தில் சபாநாயகர் அப்பாவுவை சந்தித்து, தனது ராஜினாமா கடிதத்தை அவர் வழங்கினார். 2021-ல் அதிமுக சார்பில் ஆலங்குளம் தொகுதியில் போட்டியிட்டு மனோஜ் பாண்டியன் வெற்றி பெற்றிருந்தார்.