News October 29, 2025
பள்ளி மாணவர்களுக்கு HAPPY NEWS
2025 – 26ம் கல்வியாண்டில் அரசுப் பள்ளிகளில் +1 மாணவர்களுக்கான இலவச சைக்கிள் வழங்கும் பணிகளை அரசு தொடங்கியுள்ளது. சைக்கிளுக்கான கொள்முதல் ஆணைகள் வழங்கப்பட்டுள்ள நிலையில், மாணவிகளுக்கு தலா ₹4,250 மதிப்பிலும், மாணவர்களுக்கு தலா ₹4,375 மதிப்பிலும் சைக்கிள் வழங்க திட்டமிடப்பட்டுள்ளது. மேலும், 3 ஆண்டுகள் உத்தரவாத அட்டை வழங்குவதை பள்ளிகள் உறுதி செய்ய வேண்டும் என பள்ளிக்கல்வித் துறை தெரிவித்துள்ளது.
Similar News
News October 30, 2025
ஃபைனல் செல்லுமா இந்திய மகளிர் அணி?
ODI மகளிர் உலகக் கோப்பையின் 2-வது அரையிறுதி போட்டி இந்தியா – ஆஸி., இடையே இன்று நடைபெறவுள்ளது. இதில் வெற்றி பெறும் அணி, தெ.ஆப்பிரிக்காவுடன் ஃபைனலில் விளையாடும். முன்னதாக, 1997, 2017 ஆண்டுகளில் ஆஸி.,க்கு எதிரான செமி ஃபைனல்களில் தோல்வி, வெற்றி என இந்தியா முடிவை சந்தித்துள்ளது. இதனால் இன்றைய செமி ஃபைனலில் விறுவிறுப்புக்கு பஞ்சமிருக்காது. கோப்பை வெல்லும் முனைப்பை வெளிப்படுத்துமா இந்திய மகளிர் அணி?
News October 30, 2025
வெளிநாடுகளில் ஷூட்டிங் செல்லும் மாரி செல்வராஜ்
தனது முந்தைய படங்களிலிருந்து முற்றிலும் மாறுபட்ட படமாகவே ‘D56′ இருக்கும் என்று மாரி செல்வராஜ் கூறியுள்ளார். ‘கர்ணன்’ படத்துக்கு பிறகு தனுஷுடன் மீண்டும் இணையும் மாரி, இப்படத்திற்கான முன் தயாரிப்பு பணிகளை தீவிரப்படுத்தியுள்ளதாகவும் தெரிவித்துள்ளார். இப்படத்தின் ஷூட்டிங் பல்வேறு நாடுகளில் நடைபெறவுள்ளதாகவும் அவர் அப்டேட் கொடுத்துள்ளார். மாரியின் வழக்கமான களத்தை மாற்றும் என எதிர்பார்க்கப்படுகிறது.
News October 30, 2025
பயங்கரவாதிகள் தாக்குதல்: 6 பாக்., ராணுவத்தினர் பலி
பாக்., – ஆப்கன் மோதல் தீவிரமாகியுள்ள நிலையில், பாக்., ராணுவ கான்வாய் வாகனம் மீது பயங்கரவாதிகள் தாக்குதல் நடத்தியுள்ளனர். ஆப்கனை ஒட்டியுள்ள கைபர் பக்துன்குவா பகுதியில் சென்று கொண்டிருந்த ராணுவ வாகனத்தில் ஏற்பட்ட குண்டுவெடிப்பில், கேப்டன் உள்பட 6 பாக்., ராணுவ வீரர்கள் உயிரிழந்துள்ளனர். இதனையடுத்து ராணுவத்தினர் நடத்திய துப்பாக்கிச் சூட்டில் 7 பயங்கரவாதிகள் கொல்லப்பட்டுள்ளனர்.