News October 29, 2025
அரசியலில் குதிக்கிறாரா MS தோனி?
மத்திய விளையாட்டு மற்றும் இளைஞர் நலத்துறை இணையமைச்சர் ரக்ஷா கட்சே, தோனியை சந்தித்துள்ளார். டெல்லியில் உள்ள MSD-ன் இல்லத்தில் வைத்து இந்த சந்திப்பு நடந்துள்ளது. அப்போது, விளையாட்டில் உளவியல் ரீதியான பயிற்சிக்கான மேம்பாடு & விளையாட்டுகளுக்கான கட்டமைப்புகளை மேம்படுத்துதல் குறித்து பேசியதாக தகவல்கள் கூறுகின்றன. இந்த சந்திப்பு அரசியல் ரீதியாகவும் பார்க்கப்படுகிறது.
Similar News
News October 29, 2025
குரூப் 4 தேர்வு: சான்றிதழ்களை பதிவேற்ற உத்தரவு
குரூப் 4 தேர்வில் தேர்ச்சியடைந்தவர்கள், தங்களது சான்றிதழ்களை ஆன்லைனில் பதிவேற்றம் செய்ய TNPSC அறிவுறுத்தியுள்ளது. சான்றிதழ் சரிபார்ப்பிற்காக முதற்கட்ட தேர்வர்களின் பட்டியலை TNPSC வெளியிட்டுள்ள நிலையில், அவர்கள் இன்று முதல் நவ.7-ற்குள் ஒருமுறை பதிவு பிரிவில் சான்றிதழ்களை பதிவேற்ற வேண்டும். உரிய நேரத்திற்குள் பதிவேற்ற தவறினால், அடுத்த நிலைக்கு பரிசீலிக்கப்பட மாட்டார்கள் என கூறப்பட்டுள்ளது.
News October 29, 2025
தமிழகத்தில் ‘SIR’ பணிகளுக்கு தவெக எதிர்ப்பு!
வாக்காளர் பட்டியல் சிறப்பு தீவிர திருத்தம்(SIR) என்ற பெயரில் வாக்காளர்களை நீக்குவதோ, இணைப்பதோ கண்டனத்திற்குரியது எனவும், இதனை தவெக எதிர்ப்பதாகவும் அருண்ராஜ் கூறியுள்ளார். வரும் 4-ம் தேதி முதல் TN உள்ளிட்ட 12 மாநிலங்களில் SIR பணிகள் தொடங்க உள்ளன. திமுக மற்றும் அதன் கூட்டணி கட்சிகள் இதற்கு எதிர்த்து வரும் நிலையில், SIR பணிகளுக்கான எதிரணியில் தவெகவும் இணைந்துள்ளது. அதிமுக, பாஜக ஆதரவு தெரிவித்துள்ளன.
News October 29, 2025
OUT OF FORM-ல் இருக்கேனா? SKY-ன் மழுப்பல் பதில்
சர்வதேச போட்டிகளில் மோசமான ஃபார்ம் காரணமாக திணறி வருவதாக வைக்கப்படும் விமர்சனத்திற்கு இந்திய டி20 கேப்டன் சூர்யகுமார் யாதவ் பதிலளித்துள்ளார். தற்போது இந்திய அணிக்காக கடினமாக உழைத்து கொண்டிருப்பதாக கூறிய அவர், தான் இன்னும் ஃபார்மில் இருப்பதாகவே தெரிவித்தார். மேலும், ரன்கள் அதுவாக வரும் ஆனால், அணிக்காக ஒரே இலக்கை நோக்கி நகர்வதே மிக முக்கியம் என கூறி மழுப்பியுள்ளார்.