News October 27, 2025
சென்னையில் கனமழைக்கு வாய்ப்பில்லை: பிரதீப் ஜான்
தமிழ்நாடு வெதர்மேன் பிரதீப் ஜான் தனது X தளத்தில் மோன்தா புயல் குறித்து தகவல் வெளியிட்டுள்ளார். அதில், மோன்தா புயல் காரணமாக சென்னை முழுவதும் பரவலாக மழை பெய்யக்கூடும் என தெரிவித்த அவர், சென்னையில் மிக கனமழைக்கு வாய்ப்பில்லை என குறிப்பிட்டுள்ளார். தென் சென்னையுடன் ஒப்பிடும்போது, வட சென்னையில் 50-70 மிமீ வரை மழை பெய்யும் எனவும், தென் சென்னையில் 10-50 மிமீ மழை பெய்யும் எனவும் தெரிவித்துள்ளார்.
Similar News
News October 27, 2025
புயலாக மாறிய ‘மோன்தா’
வங்கக்கடலில் நிலை கொண்டுள்ள காற்றழுத்த தாழ்வு மண்டலம் இன்று (அக்.27) புயலாக மாறியது. மோன்தா என பெயரிடப்பட்டுள்ள இந்த புயல், காலையில் 14 கிமீ வேகத்தில் நகர்ந்து வந்தது. தற்போது சென்னையில் இருந்து 480 கிமீ தொலைவில் உள்ளது. திடீரென வேகம் அதிகரித்து 18 கிமீ வேகத்தில் நகர்ந்து வருவதாக வானிலை ஆய்வு மையம் தெரிவித்துள்ளது. இதன் காரணமாக தமிழ்நாட்டு துறைமுகங்களில் 2ம் எண் புயல் கூண்டு ஏற்றப்பட்டுள்ளது.
News October 27, 2025
சென்னை: வேலை இல்லாதவர்களுக்கு உதவித்தொகை!
அரசின் வேலைவாய்ப்பு & பயிற்சித்துறையின் மூலம், வேலைவாய்ப்பற்ற இளைஞர்களுக்கு உதவித்தொகை வழங்கப்படுகிறது. இதற்கு, 10th முதல் டிகிரி வரை படித்து, வேலை இல்லாமலும், வேலைவாய்ப்பு அலுவலகத்தில் பதிவு செய்து காத்திருப்போரும் விண்ணப்பிக்கலாம். ஏற்கனவே உதவித்தொகை பெறுவோரும், சுய உறுதி மொழி ஆவணங்களை சமர்ப்பிக்க வேண்டும் என தெரிவித்துள்ளது. விருப்பமுள்ளவர்கள் கிண்டி வேலைவாய்ப்பு அலுவலகத்தை தொடர்பு கொள்ளவும்.
News October 27, 2025
திமுகவும் காங்கிரஸும் கொள்கை உறவு கொண்டது-முதல்வர்
சென்னை தேனாம்பேட்டையில், காங்கிரஸ் நிர்வாகியின் இல்ல திருமண விழாவில் முதல்வர் ஸ்டாலின் பங்கேற்றார். அதில் பேசிய அவர், “திமுக ஆட்சியில் தான் சுயமரியாதை திருமணங்களுக்கு சட்ட அங்கீகாரம் அளிக்கப்பட்டது. என் மீது அன்பு கொண்டவர் ராகுல்காந்தி. என்னை அண்ணன் என்றே அழைப்பார். நானும் அவரை சகோதரர் என்று தான் கூறுவேன். திமுகவும்- காங்கிரஸும் தற்போது கொள்கை உறவுகளாக பயணிக்கிறோம்” என தெரிவித்தார்.