News April 18, 2024
வாக்குப்பதிவை முன்னிட்டு சினிமா காட்சிகள் ரத்து
மக்களவைத் தேர்தல் வாக்குப்பதிவை முன்னிட்டு தமிழகம் முழுவதும் உள்ள 1,126 திரையரங்குகளில் நாளை (ஏப்ரல் 19) சினிமா காட்சிகள் ரத்து செய்யப்பட்டுள்ளன. வாக்காளர்கள் வாக்களிப்பதை தவற விடக்கூடாது என்பதற்காக சினிமா காட்சிகள் ரத்து செய்யப்படுவதாக தமிழ்நாடு திரையரங்கு உரிமையாளர்கள் சங்கம் அறிவித்துள்ளது. வாக்குப்பதிவுக்காக தனியார் நிறுவனங்களுக்கும் முழுநாள் விடுமுறை விடப்பட்டுள்ளது.
Similar News
News November 15, 2025
நட்சத்திர தம்பதிக்கு குழந்தை பிறந்தது.. ❤️❤️
பாலிவுட் நடிகர் ராஜ் குமார் ராவ் – நடிகை பத்ரலேகா தம்பதிக்கு இன்று குழந்தை பிறந்துள்ளது. பெண் குழந்தை பிறந்திருப்பதாக அவர்கள் அறிவித்துள்ளனர். தங்களது திருமண நாளில் குழந்தை பிறந்திருப்பதாக மகிழ்ச்சியுடன் அவர்கள் தெரிவித்துள்ளனர். 2021 நவ.15-ல் இருவருக்கும் திருமணம் நடைபெற்றது. இந்த நட்சத்திர ஜோடிக்கு திரை பிரபலங்கள், ரசிகர்கள் உள்பட பலரும் வாழ்த்து தெரிவித்து வருகின்றனர்.
News November 15, 2025
கரூரில் உயிரிழந்தவர்களின் வீடுகளில் CBI
கரூர் கூட்ட நெரிசல் சம்பவம் தொடர்பாக CBI தீவிர விசாரணை மேற்கொண்டு வருகிறது. நேற்று (நவ.14) கூட்ட நெரிசலில் காயமடைந்தவர்கள் 7 பேரிடம் CBI அதிகாரிகள் விசாரணை மேற்கொண்டனர். இதையடுத்து இன்று, கரூர் துயர சம்பவத்தில் சிக்கி உயிரிழந்த 41 பேரின் குடும்பத்தினரின் வீடுகளுக்கு CBI அதிகாரிகள் 3 குழுவாக பிரிந்து சென்று விசாரித்து வருகின்றனர்.
News November 15, 2025
BREAKING: CSK-வில் 10 வீரர்கள் விடுவிப்பு.. கையில் ₹43.9 கோடி
ஐபிஎல் 2026 சீசனையொட்டி, CSK அணி 10 வீரர்களை விடுவித்துள்ளது. ராகுல் திரிபாதி, வன்ஷ் பேடி, ஆண்ட்ரே சித்தார்த், தீபக் ஹூடா, விஜய் சங்கர், ஷேக் ரஷீத், கமலேஷ் நாகர்கோட்டி, மதீஷா பதிரானா, ரச்சின், டேவன் கான்வே ஆகியோர் விடுவிக்கப்பட்டுள்ளனர். ஏற்கெனவே ராஜஸ்தானுக்கு ஜடேஜா, சாம் கரன் டிரேட் செய்யப்பட்டு இருந்தனர். இதையடுத்து, CSK அணியால் ஏலத்தில் ₹43.9 கோடி செலவு செய்ய முடியும்.