News October 23, 2025
பெரியார் சிலையில் கை பட்டால் வெட்டுவேன்: வைகோ
பல மாநிலங்களில் வெறியாட்டம் போடும் இந்துத்துவ சக்திகள் தமிழகத்திலும் நுழைந்துவிடலாம் என மனப்பால் குடிக்கிறார்கள் என வைகோ குற்றம்சாட்டியுள்ளார். மேலும் பெரியார் சிலையை உடைக்கும் எண்ணம் உள்ளவர்கள், எங்கு எப்போது என்று சொல்லிவிட்டு வாருங்கள் என தெரிவித்த அவர், உங்கள் கை துண்டாக வெட்டப்படும் என கடுமையாக எச்சரித்துள்ளார். அப்படி ஒரு நிலைமை ஏற்பட்டால் நிச்சயம் அதை நானே செய்வேன் எனவும் தெரிவித்துள்ளார்.
Similar News
News October 23, 2025
கடலூர்: தொழிலாளிக்கு நேர்ந்த சோகம்
குள்ளஞ்சாவடி அடுத்த தங்கலிகுப்பத்தைச் சேர்ந்தவர் ராஜகோபால் என்பவரது மகன் தொழிலாளி மணி (55). இவர் நேற்று தனக்கு சொந்தமான ஆடு, மாடுகளை பெருமாள் ஏரிக்கரை அருகில் உள்ள வடிகால் வாய்க்கால் அருகே மேய்த்துக் கொண்டிருந்தார். அப்போது அவர் திடீரென வாய்க்காலில் தவறி விழுந்து நீரில் மூழ்கி பரிதாபமாக உயிரிழந்தார். இதுகுறித்து குள்ளஞ்சாவடி போலீசார் வழக்குபதிந்து விசாரிக்கின்றனர்.
News October 23, 2025
மழை காலத்தில் இந்த கசாயம் குடிங்க!
✱தேவை: வெற்றிலை, கற்பூரவல்லி இலை, கண்டந்திப்பிலி, மல்லி விதைகள், சீரகம், மிளகு, திராட்சை, மஞ்சள் தூள், சுக்குப்பொடி, வெற்றிலை ✱உலர் திராட்சையை நீரில் ஊறவைக்கவும். வெற்றிலை, கற்பூரவல்லி தனியா, மிளகு, கண்டந்திப்பிலி ஆகியவற்றை நன்றாக கொதிக்க வைக்கவும். பிறகு, சீரகம், மஞ்சள் தூள், சுக்குப்பொடியுடன் திராட்சையை சேர்த்து மசித்து கொள்ளவும். இதனை வடிகட்டி, தேன் கலந்து குடிக்கலாம். SHARE IT.
News October 23, 2025
புதிய தடைகளை விதித்தார் டிரம்ப்!
ரஷ்யாவின் 2 பெரிய எண்ணெய் நிறுவனங்களான Rosneft, Lukoil மீதும், அதன் துணை நிறுவனங்கள் மீதும் USA பொருளாதாரத் தடைகளை விதித்துள்ளது. உக்ரைன் போர் குறித்த பேச்சுவார்த்தையில் முன்னேற்றம் இல்லாததால், ரஷ்யாவுக்கு அழுத்தம் கொடுக்க புதிய தடைகளை விதிப்பதாக தெரிவிக்கப்பட்டுள்ளது. உக்ரைன் போர் நிறுத்தம் தொடர்பாக டிரம்ப் உடன் நடைபெறவிருந்த பேச்சுவார்த்தையை புடின் ரத்து செய்தார் என்பது குறிப்பிடத்தக்கது.