News October 22, 2025
காந்தாரா ஹீரோவின் உண்மையான பெயர் தெரியுமா?
நடிகர், நடிகைகள் பெயரை மாற்றுவது சகஜமான ஒரு விஷயம். அப்படி பெயரை மாற்றிக்கொண்டவர்களில் நடிகர் ரிஷப் ஷெட்டியும் ஒருவர். ‘காந்தாரா’ வெற்றி ரிஷப் ஷெட்டியின் பெயரை உலகெங்கிலும் கொண்டு சேர்த்தது. ஆனால், அவரது உண்மை பெயர் ரிஷப் ஷெட்டி அல்ல, பிரசாந்த் ஷெட்டி. ஆரம்ப நாட்களில் சினிமாவில் வெற்றி கிடைக்காததால், தனது தந்தையின் பரிந்துரைப்படி பெயரை மாற்றிக்கொண்டதாக ரிஷப் ஷெட்டி தெரிவித்துள்ளார்.
Similar News
News January 31, 2026
BREAKING: அதிமுக கூட்டணியில் புதிய கட்சிகள்
அதிமுக கூட்டணியில் புதிய கட்சிகள் இணையவிருப்பதாக EPS அறிவித்துள்ளார். அதிமுக தலைமையிலான கூட்டணி வலுவாக இருப்பதாக கூறிய அவர், சில கட்சிகளுடன் கூட்டணி பேச்சுவார்த்தை நடக்கிறது. விரைவில் அந்த கட்சிகள் அதிமுக கூட்டணியில் இணையும் என்றார். கனிமொழியுடன் கூட்டணி குறித்து பேசியதை பிரேமலதா மறுத்துள்ள நிலையில், தேமுதிக, புதிய தமிழகம் கூட்டணிக்கு வரவிருப்பதாக EPS சூசகமாக கூறியுள்ளதாக பார்க்கப்படுகிறது.
News January 30, 2026
ரேஷன் அட்டைதாரர்களுக்கு.. அரசு மகிழ்ச்சியான அறிவிப்பு
தாயுமானவர் திட்டத்தின் கீழ் மாற்றுத் திறனாளிகள், முதியோருக்கு ரேஷன் பொருள்கள் ஒவ்வொரு மாதமும் வீட்டிற்கே வழங்கப்படுகின்றன. அந்த வகையில், பிப்ரவரிக்கான ரேஷன் பொருள்கள் பிப்.2, 3 ஆகிய தேதிகளில் வீடு தேடி விநியோகிக்கப்படும் என மாவட்ட வாரியாக அறிவிப்புகள் வெளியாகி வருகின்றன. மேலும், இந்த தேதிகளை பொதுமக்கள் அறியும் வகையில் ரேஷன் கடைகளில் உள்ள தகவல் பலகைகளில் எழுதி வைக்குமாறு அறிவுறுத்தப்பட்டுள்ளது.
News January 30, 2026
CONCERT போல கூட்டம் நடத்துகிறார் விஜய்
ஒரு நடிகராக சமூகத்தை விட்டு விலகியிருக்க முடியும்; ஆனால், அரசியலுக்கு வந்த பிறகும் அதே போக்கை தொடரலாம் என விஜய் நினைப்பது சரியல்ல என்று கார்த்தி சிதம்பரம் விமர்சித்துள்ளார். தனியார் TV நிகழ்ச்சியில் பேசிய அவர், Concert நடத்துவது போல கூட்டங்களை நடத்திவிட்டு, மக்கள் வெற்றி பெறச் செய்வார்கள் என நம்புவது தவறு; தவெகவுக்கு வாக்குகள் கிடைக்கும்; ஆனால், வெற்றிபெற முடியாது என்று தெரிவித்துள்ளார்.