News October 22, 2025
இயக்குநரின் இரக்கமற்ற ட்வீட்.. கடும் எதிர்ப்பு
இந்தியாவில் ஒரு நாள் மட்டுமே தீபாவளி என்றும், காஸாவில் ஒவ்வொரு நாளுமே தீபாவளி எனவும் X-ல் இயக்குநர் ராம் கோபால் வர்மா பதிவிட்டது சர்ச்சையாகியுள்ளது. இஸ்ரேல்-ஹமாஸ் போரால் காஸாவில் குழந்தைகள் உள்பட 68,000 பேர் உயிரிழந்துள்ள நிலையில், அதனை தீபாவளி கொண்டாட்டத்துடன் ஒப்பிடும் ராம் கோபால் வர்மா மனிதனாக வளர்ச்சி பெற பல ஆண்டுகள் ஆகும் என்று சாடும் நெட்டிசன்கள், அவரை ஈவு இரக்கமற்றவர் என விமர்சித்துள்ளனர்.
Similar News
News February 3, 2026
தேர்தல் பொறுப்பில் இருந்து அண்ணாமலை விலகல்
சிங்காநல்லூர் உள்ளிட்ட 6 தொகுதிகளுக்கான தேர்தல் பொறுப்பில் இருந்து விலகுவதாக அண்ணாமலை அறிவித்துள்ளார். தனது தந்தைக்கு உடல்நிலை சரியில்லை என்பதால் இப்போது தன்னால் கட்சிப் பணிகளில் கவனம் செலுத்த முடியாது என அவர் தெரிவித்துள்ளார். மேலும், சட்டமன்ற தேர்தலில் போட்டியிடுவீர்களா என்ற கேள்விக்கு, காலமும் நேரமும்தான் முடிவு செய்யும் என சூசகமாகவே பதிலளித்தார்.
News February 3, 2026
எதிர்க்கட்சிகளின் அமளியால் லோக் சபா ஒத்திவைப்பு
இந்திய – அமெரிக்க வர்த்தக விவகாரம் குறித்து பேச வேண்டும் என வலியுறுத்தி லோக் சபாவில் எதிர்க்கட்சியினர் அமளியில் ஈடுபட்டனர். சபாநாயகரின் இருக்கை அருகே சென்ற காங்கிரஸ் உள்ளிட்ட இண்டியா கூட்டணி MP-க்கள், பாஜகவுக்கு எதிராக கோஷம் எழுப்பினர். இதனையடுத்து 12 மணிவரை அவை ஒத்திவைக்கப்படுவதாக சபாநாயகர் அறிவித்தார்.
News February 3, 2026
50 ஆண்டுகளுக்கு பின் நிலவுப் பயணம்.. NASA-வுக்கு சிக்கல்
US-ல் இருந்து 50 ஆண்டுகளுக்கு பின் மனிதர்களை நிலவுக்கு சுமந்து செல்லும் ‘ஆர்டெமிஸ் -2’ விண்கலத்தின் கவுண்ட் டவுன் பாதியில் நிறுத்தப்பட்டது. ஹைட்ரஜன் லீக் காரணமாக இந்த தடை ஏற்பட்டுள்ளது. ஏற்கெனவே கடும் குளிர் காரணமாக பயணம் தள்ளிப்போன நிலையில் இப்போது புதிய பிரச்னை உருவாகியுள்ளது. சிக்கலை நாசா உடனடியாக சரிசெய்தால் பிப்.11-க்குள் நிலவு பயணம் சாத்தியமாகும், இல்லையென்றால் மார்ச்-க்கு தள்ளிபோகுமாம்.