News April 17, 2024
விராட் கோலி தான் என்னுடைய உத்வேகம்
UPSC தேர்வில் வெற்றி பெற்றது குறித்து டோனூரு அனன்யா நெகிழ்ச்சியுடன் பேசியுள்ளார். இந்திய அளவில் 3ஆம் இடம்பிடித்துள்ள அவர், விராட் கோலி தான் எனக்கு மிகவும் பிடித்த வீரர். அவர் எதையும் முழு அர்ப்பணிப்போடு செய்து முடிப்பார். அவரைத் தான் என் முன்னுதாரணமாக எடுத்துக் கொண்டேன். முடிவு என்னவாக இருந்தாலும், கடைசி வரை போராட வேண்டும் என்பதை அவரிடம் இருந்து கற்றுக் கொண்டேன் எனத் தெரிவித்தார்.
Similar News
News January 29, 2026
விஜய் இப்படி பண்ணா ‘ஜன நாயகன்’ படம் வராது: பாஜக
முறையான ஆவணங்களை கமிட்டியிடம் சமர்ப்பித்தாலே ’ஜன நாயகன்’ படத்துக்கு தேவையான சான்றிதழ் கிடைக்கும் என விஜயதாரணி கூறியுள்ளார். வேண்டுமென்றே பாஜக மீது பழி சொல்வதாக கூறிய அவர், தேவையற்ற அரசியல் செய்வதை கைவிட வேண்டும் என்றார். அப்படி அரசியல் செய்துகொண்டே இருந்தால் படம் வராமல் போய்விடும் எனவும் விஜய் தனித்து போட்டியிவதுதான் தங்களது விருப்பம் என்றும் தெரிவித்துள்ளார்.
News January 29, 2026
கனிமொழி – ராகுல் காந்தி சந்திப்பில் நடந்தது என்ன?
ராகுல் காந்தியுடன் கனிமொழி நடத்திய பேச்சுவார்த்தையில் தொகுதிப் பங்கீடு குறித்து விவாதிக்கப்பட்டதாக கூறப்படுகிறது. அதில், கடந்த முறை 25-ல் போட்டியிட்டு 18-ல் வென்ற காங்கிரஸ் இம்முறை 30 தொகுதிகள் + 1 ராஜ்யசபா சீட் கேட்டு உறுதியாக இருக்கிறதாம். ஒருவேளை கூடுதல் சீட்களை கொடுக்க திமுகவுக்கு உடன்பாடு இல்லையெனில் 25 தொகுதிகள் + 2 ராஜ்ய சபா சீட் கேட்பதாக தகவல் கசிந்துள்ளது.
News January 29, 2026
விபத்துக்கு பின் விமானங்கள் தீப்பிடித்து எரிவது ஏன்?
விமானங்கள்/ஹெலிகாப்டர்கள் விபத்துக்குள்ளான உடனேயே தீப்பிடித்து எரிந்து உயிரிழப்புகள் ஏற்படுகின்றன. இதற்கு முக்கிய காரணம், அவற்றில் உள்ள எரிபொருள் தான். விமானங்கள் அதிவேகத்தில் பயணிக்கும்போது விபத்து ஏற்பட்டால், எரிபொருள் தொட்டிகள் உடைந்து எரிபொருள் வெளியேறுகிறது. அதேநேரம் என்ஜினில் உள்ள வெப்பம் அல்லது உராய்வு காரணமாக ஏற்படும் தீப்பொறிகள் உடனடியாக எரிபொருளில் பரவி தீப்பிடிக்கின்றன.