News October 21, 2025
திருச்சி: ஐஏஎஸ் அதிகாரி தந்தை வீட்டில் திருட்டு
தமிழக ஜவுளித்துறை இயக்குநரான ஐ.ஏ.எஸ்., அதிகாரி லலிதா. இவரது தந்தை ராஜேந்திரன் (70) திருச்சி, லாவண்யா கார்டன் பகுதியில் வசித்து வருகிறார். இந்நிலையில் ராஜேந்திரன் சில நாட்களுக்கு முன், தன் வீட்டை பூட்டி விட்டு, சென்னையில் உள்ள மகள் லலிதா வீட்டுக்கு சென்றார். இதையறிந்த மர்ம நபர்கள், வீட்டின் பின்பக்க கதவை உடைத்து ரூ.80,000 ரொக்கம், 2 கிலோ வெள்ளி மற்றும் தங்க நகைகள் திருடி சென்றனர்.
Similar News
News October 22, 2025
திருச்சி: அமைச்சர் சிவசங்கர் நேரில் ஆய்வு
திருச்சி, பஞ்சப்பூர் ஒருங்கிணைந்த பேருந்து நிலையத்தில் தீபாவளி பண்டிகை முடிந்து சென்னை, கோயம்புத்தூர், திருப்பூர் மற்றும் பல்வேறு ஊர்களுக்கு திரும்ப பொதுமக்கள் குவிந்துள்ளனர். இந்நிலையில் போக்குவரத்திற்கு ஏற்பாடு செய்யப்பட்டுள்ள வசதியினை, போக்குவரத்துறை அமைச்சர் ச.சிவசங்கர் நேற்று நேரில் சென்று பார்வையிட்டு, ஆய்வுமேற்கொண்டார்.
News October 21, 2025
திருச்சி: ரயில்வே கோட்ட மேலாளர் அறிவிப்பு
திருச்சி ரெயில்வே கோட்ட மேலாளர் பாலக்ராம் நெகி இன்று செய்தியாளர்களை சந்தித்தார். அப்போது அவர் பேசுகையில், “திருச்சி கோட்டத்தில் அக்.1ம் தேதி முதல் இன்று வரை 116 ரயில் இயக்கப்பட்டு, மொத்தம் 21,68,395 பயணிகள் பயணம் செய்துள்ளனர். முன்பதிவு செய்யப்படாத பிரிவில் 16,63,296 பயணிகளும் முன்பதிவு செய்யப்பட்ட பிரிவில் 5,05,099 பயணிகளும் பயணம் செய்துள்ளதாக’’ தெரிவித்தார் அவர்.
News October 21, 2025
திருச்சி: மாவட்ட ஆட்சியர் முக்கிய அறிவிப்பு
காவிரி நீர் பிடிப்பு பகுதிகளில் பெய்து வரும் கனமழை காரணமாக, காவிரி ஆற்றில் வரக்கூடிய நீர்வரத்தினை பொறுத்து திருச்சி முக்கொம்பு மேலணையிலிருந்து காவிரி மற்றும் கொள்ளிடம் ஆற்றில் அதிக அளவு தண்ணீர் திறக்க வாய்ப்பு உள்ளது. எனவே பருவமழை காலம் முடிவடையும் வரை கரையோரம் வசிக்கும் மக்கள் பாதுகாப்பாக இருக்க வேண்டும். ஆற்றில் இறங்கி குளிக்கவோ, துணி துவைக்கவோ வேண்டாம் என ஆட்சியர் சரவணன் தெரிவித்துள்ளார்.