News October 20, 2025
₹1,000 மகளிர் உரிமைத்தொகை.. வந்தது புதிய அப்டேட்
மகளிர் உரிமைத்தொகை திட்டத்தில் புதிதாக விண்ணப்பித்தவர்களுக்கு வரும் டிச.15-ல் பணம் கிடைக்கும் என அரசு ஏற்கெனவே அறிவித்துள்ளது. இந்நிலையில், முகாம்களில் விண்ணப்பித்தவர்களின் வீடுகளில் அடுத்த வாரத்திலிருந்து அதிகாரிகள் நேரில் ஆய்வு செய்ய உள்ளனர். அப்போது, விண்ணப்பத்தில் குறிப்பிடப்பட்ட விவரங்கள், செல்போன் எண், ஆதார், குடும்ப அட்டை எண் உள்ளிட்ட தகவல்கள் சரிபார்க்கப்படவுள்ளன.
Similar News
News March 5, 2026
கடைசி நேரத்தில் மாறியது.. தமிழக அரசியலில் பரபரப்பு
பாமகவை தனது கட்டுக்குள் வைக்க வேண்டும் என்பதற்காக சட்டப்பேரவை தேர்தலில் அன்புமணியும், ராஜ்யசபா தேர்தலில் சௌமியாவும் போட்டியிட திட்டமிடப்பட்டிருப்பதாக பேச்சு எழுந்தது. இன்று காலை வரை இதுதான் நிலைமை. ஆனால், கடைசி நேரத்தில் பெரிய ட்விஸ்ட்டாக அன்புமணி ராஜ்யசபா தேர்தலில் வேட்பாளராக அறிவிக்கப்பட்டிருக்கிறார். அதேநேரம், மாற்று வேட்பாளராக செளமியா வேட்புமனு தாக்கல் செய்துள்ளார்.
News March 5, 2026
கிறிஸ்டோபர் திலக்கிற்கு ராஜ்யசபா சீட் எப்படி வந்தது?
திருநாவுக்கரசர், சுதர்சன நாச்சியப்பன், தங்கபாலு போன்றோர் ராஜ்யசபா சீட் கேட்டு டெல்லியில் முகாமிட்டனர். ஆனால், காங்., தலைமையோ, சீனியர்களை விட, தற்போது தமிழ்நாட்டிற்கு புதிய தலைவரை அடையாளப்படுத்த விரும்பியது. இதனால், ராகுலுக்கு நெருக்கமான கிறிஸ்டோபர் திலக்கிற்கு ராஜ்யசபா சீட் கொடுத்துள்ளது. இனிவரும் காலங்களில் டெல்லியில் தமிழகத்தின் குரலாக இவர் ஒலிப்பார் என்றும் கூறப்படுகிறது.
News March 5, 2026
ஒரேநாளில் ₹30,000 குறைந்தது.. இன்ப அதிர்ச்சி
1 கிராம் வெள்ளி இன்று (மார்ச் 5) மாற்றமின்றி ₹295-க்கும், 1 கிலோ ₹2.95 லட்சத்துக்கும் விற்பனையாகிறது. இம்மாத தொடக்கத்தில் 1 கிலோ வெள்ளி ₹3.25 லட்சமாக இருந்த நிலையில், நேற்று ஒரேநாளில் ₹30,000 அளவுக்கு குறைந்து ₹2.95 லட்சத்தில் விற்பனை செய்யப்படுகிறது. இதனால் வெள்ளி நகைப் பிரியர்கள் மகிழ்ச்சி அடைந்துள்ளனர். வரும் நாள்களிலும் மேலும் விலை குறைய வாய்ப்புள்ளதாக கூறப்படுகிறது.