News October 20, 2025
₹13,000 கோடியை அரசு செலவு செய்யவில்லை: தமிழிசை
தனிக்கை அறிக்கையின்படி மத்திய அரசால் ஒதுக்கப்பட்ட ஏறக்குறைய ₹13,000 கோடியை தமிழக அரசு செலவு செய்யவில்லை என தமிழிசை தெரிவித்துள்ளார். பாஜகவுக்கு வந்த உடன் எல்லோரும் சுத்தமாகி விடுவார்களா என திமுக கேட்கிறது என குறிப்பிட்ட அவர், எந்த வாஷிங்மெஷினில் போட்டு செந்தில்பாலாஜியை எடுத்தீர்கள் என பதில் கேள்வி எழுப்பியுள்ளார். செந்தில் பாலாஜி மீது ஊழல் வழக்கு போட்டதே திமுகதான் எனவும் சுட்டிக்காட்டியுள்ளார்.
Similar News
News October 20, 2025
இந்தியாவுக்கு சோகமான தீபாவளி..
இந்த ஆண்டு தீபாவளி கிரிக்கெட் ரசிகர்களுக்கு சோகமான ஆண்டாக மாறிவிட்டது. ஆஸி., அணிக்கு எதிரான முதல் ODI-யில் இந்திய ஆடவர் அணி படுதோல்வி அடைந்தது. 7 மாதங்களுக்கு பிறகு, Ro- Ko-வின் ஆட்டத்தை பார்க்க ஆர்வமாக இருந்த ரசிகர்கள் அவர்கள் சொதப்பியதால், கவலையில் ஆழ்ந்தனர். அதேபோல, WWC தொடரிலும் இந்திய பெண்கள் அணி, 4 ரன்கள் வித்தியாசத்தில் இங்கிலாந்திடம் தோற்றது மேலும் ரசிகர்களின் மனதை நொறுக்கியது.
News October 20, 2025
சர்வதேச சந்தையில் தங்கம் விலை மீண்டும் உயர்வு
சர்வதேச சந்தையில் தங்கம் விலை நேற்று முன்தினம் 1 அவுன்ஸ்(28g) 44 USD குறைந்திருந்த நிலையில், இன்று(அக்.20) 63 USD உயர்ந்துள்ளது. இதனால், தற்போது, 4,262 டாலராக விற்பனையாகிறது. இந்திய மதிப்பில் 1 அவுன்ஸ் தங்கம் ₹5,538 அதிகரித்துள்ளது. ஒருவேளை பங்குச்சந்தைகள் இன்று சரிவுடன் தொடங்கினால், முதலீட்டாளர்களின் கவனம் தங்கம் பக்கம் திரும்பும். இதனால், நம்மூரில் மீண்டும் தங்கம் விலை உயர வாய்ப்புள்ளது.
News October 20, 2025
தலைநகரை திக்குமுக்காட வைக்கும் காற்று மாசு
தலைநகரில் 7 ஆண்டுக்கு பின் இப்போது தான் தீபாவளிக்கு பட்டாசு வெடிக்க அனுமதி வழங்கப்பட்டது. ஆனால் அதற்குள், நேற்று காசு மாசு அதிகரித்து, தரக்குறியீட்டில் 400 புள்ளிகள் சென்றுள்ளது. இந்த அளவு 50-க்கு குறைவாக இருந்தால் தான் சுத்தமான காற்று. 100-க்கு மேல் சென்றால் மோசமானது என்று அர்த்தம். டெல்லியில் உள்ள 38 கண்காணிப்பு நிலையங்களில், 12 இடங்களில் காற்றின் தரம் மிகவும் மோசம் என்று பதிவாகியுள்ளது.