News October 15, 2025
இந்தியாவில் காமன்வெல்த் போட்டிகள்… HAPPY NEWS!
2030-ல் காமன்வெல்த் போட்டிகளை இந்தியாவில் நடத்த காமன்வெல்த் விளையாட்டு வாரியம் ஒப்புதல் அளித்துள்ளது. இதற்காக குஜராத்தின் அகமதாபாத் நகரம் தேர்வு செய்யப்பட்டுள்ளது. வரும் நவ.26-ம் தேதி இங்கிலாந்தில் நடைபெறும் கூட்டத்தில் இறுதி முடிவு எடுக்கப்படும் என அறிவிக்கப்பட்டுள்ளது. இந்தியாவில் கடைசியாக 2010-ல் டெல்லியில் காமன்வெல்த் போட்டிகள் நடைபெற்றது.
Similar News
News October 16, 2025
கலீல் ஜிப்ரான் பொன்மொழிகள்
*பிரிந்து செல்லும் நேரம் வரை காதல் அதன் ஆழத்தை அறியாது. *எல்லோராலும் கேட்க முடியும், ஆனால் உணர்திறன் மிக்கவர்களால் மட்டுமே புரிந்து கொள்ள முடியும். *அவன் தேடும் வாழ்க்கை அவனுக்குள் இருக்கிறது என்பதை அறியாமல். மனிதன் தனக்கு வெளியே வாழ்க்கையை கண்டுபிடிக்க போராடுகிறான். *ஒரு மனிதனின் உண்மையான செல்வம் இந்த உலகில் அவன் செய்யும் நன்மைகளாகும். *நேற்று என்பது இன்றைய நினைவு, நாளை என்பது இன்றைய கனவு.
News October 16, 2025
லதா ரஜினிகாந்த் மீது பிடியை இறுக்கும் கோர்ட்
‘கோச்சடையான்’ படம் தொடர்பாக லதா ரஜினிகாந்த் மீதான நிதி மோசடி வழக்கை பெங்களூரு கோர்ட் மீண்டும் தொடங்கியுள்ளது. வழக்கில் இருந்து தன்னை விடுவிக்க வேண்டும் என்ற அவரின் மனுவை நிராகரித்த கோர்ட், வழக்கை தொடர போதுமான ஆதாரங்கள் இருப்பதாக தெரிவித்துள்ளது. ‘கோச்சடையான்’ படத்திற்கு வாங்கிய பணத்தை கொடுக்காமல், போலி ஆவணங்கள் தயாரித்து நிதி மோசடியில் ஈடுபட்டதாக வழக்கு நடந்து வருகிறது.
News October 16, 2025
5 இடங்கள் பின்தங்கிய இந்தியா
உலகில் சக்தி வாய்ந்த பாஸ்போர்ட் பட்டியலில், ஆசிய நாடுகளே ஆதிக்கம் செலுத்துகின்றன. சிங்கப்பூர், தென்கொரியா, ஜப்பான் ஆகிய நாடுகள் முதல் 3 இடங்களை பிடித்துள்ளன. கடந்த ஆண்டில் இந்தியா 80-வது இடத்தில் இருந்த நிலையில், தற்போது 85-வது இடத்திற்கு பின் தங்கியுள்ளது. இந்திய பாஸ்போர்ட் மூலம் 57 நாடுகளுக்கு விசா இல்லாமல் பயணிக்க முடியும். இந்த பட்டியலில் சீனா 64, பாகிஸ்தான் 103-வது இடங்களை பிடித்துள்ளன.