News October 14, 2025
டிராவில் முடிந்த இந்தியா – பாகிஸ்தான் போட்டி
மலேசியாவில் நடைபெற்று வரும் சுல்தான் ஆஃப் ஜோகூர் கோப்பை ஹாக்கி போட்டியில் இந்திய பாகிஸ்தான் அணிகள் மோதின. முதலில் 0-2 என்று பின்தங்கி இருந்த இந்தியா பின்னர் சுதாரித்துக்கொண்டு அடுத்தடுத்து கோல்களை அடித்தது. இதனால் 3-2 என்ற கணக்கில் இந்தியா முன்னிலையும் பெற்றது. ஆனால் கடைசி நேரத்தில் பாகிஸ்தான் மேலும் ஒரு கோலை அடித்து சமன் செய்தது. புள்ளி பட்டியலில் இந்தியா தொடர்ந்து முதல் இடத்தில் உள்ளது.
Similar News
News October 15, 2025
அறிக்கை வெளியிட்டார் நடிகர் அஜித்
அஜித்குமார் ரேஸிங், மறக்க முடியாத முதல் சீசன் என்று நடிகர் அஜித் அறிக்கை வெளியிட்டுள்ளார். இந்த பயணத்தில் வெற்றி, தோல்வியை சரிசமமாக சந்தித்தோம் என்றும், போட்டிகளை கடந்து மனித உறவுகளை கட்டியெழுப்பியதாகவும் கூறியுள்ளார். மேலும், பல சர்வதேச அணிகளும், அமைப்புகளும் அஜித்குமார் ரேஸிங் அணியுடன் இணைந்தன. இதுவரை கற்றதையெல்லாம் அடுத்த பயணத்தில் சிறப்பாக பயன்படுத்துவோம் எனவும் அவர் குறிப்பிட்டுள்ளார்.
News October 15, 2025
MGR-க்கு பிறகு EPS இணக்கமாக உள்ளார்: நயினார் நாகேந்திரன்
மாநில அரசு நல்ல முறையில் செயல்பட மத்திய அரசின் துணை இருக்க வேண்டும் என்று நயினார் கூறியுள்ளார். இதை MGR நன்கு உணர்ந்திருந்ததாக குறிப்பிட்ட அவர், தற்போது EPS-ம் அதை உணர்ந்திருப்பதாக தெரிவித்தார். 4 ஆண்டுகள் மத்திய அரசுடன் EPS இணக்கமாக இருந்ததாகவும் அவர் கூறினார். மேலும், திமுக ஆட்சியில் லஞ்ச லாவண்யம் தலைவிரித்து ஆடுவதாகவும், விலைவாசி விண்ணை முட்டுவதாகவும் விமர்சித்தார்.
News October 15, 2025
கழுத்து வலி நீங்க இந்த யோகாசனம் பண்ணுங்க!
✦கழுத்து வலி மட்டுமன்றி வயிற்று தொப்பையும் குறைய மார்ஜாரி ஆசனம் செய்யுங்க ➥தரையில் முழங்காலிட்டு, கைகளை தோள்பட்டைக்கு நேராக வைக்கவும். முழங்கால்கள் இடுப்புக்கு நேராக இருக்க வேண்டும் ➥மூச்சை உள் இழுத்து, முதுகை வளைத்து, வயிற்றை தரையை நோக்கி தாழ்த்தவும். தலையை மேலே உயர்த்தி, மேலே பார்க்கவும் ➥பிறகு, மூச்சை வெளியேற்றி, முதுகை மேல்நோக்கி வளைத்து, வயிற்றை உள்ளிழுத்து, தலை & தோள்களை கீழே இறக்கவும்.