News October 12, 2025
10 விஜய் வந்தாலும் திமுகவை வீழ்த்த முடியாது: வீரபாண்டியன்
தவெக, அதிமுக சேர்ந்தாலும் சட்டமன்ற தேர்தலில் திமுக கூட்டணியை வீழ்த்த முடியாது என இந்திய கம்யூனிஸ்ட் மாநில செயலாளர் வீரபாண்டியன் தெரிவித்துள்ளார். 10 எடப்பாடி, 10 விஜய், 10 அண்ணாமலை சேர்ந்து வந்தாலும் கூட தேர்தலில் திமுக கூட்டணி அவர்களை தோற்கடிக்கும் என்றும் அவர் கூறியுள்ளார். மேலும், 2026 தேர்தலில் திமுகவிடம் கூடுதல் தொகுதிகளை கேட்டு பெறுவோம் எனவும் அவர் பேசியுள்ளார்.
Similar News
News October 12, 2025
ரேஷன் கார்டில் இத உடனே பண்ணுங்க!
ரேஷன் அட்டை வைத்திருப்பவர்கள் அதே பகுதியில்தான் வசிக்கிறார்களா என்பதை ஆய்வு செய்து அவர்களின் பெயரை ரேஷன் அட்டையில் இருந்து நீக்கும் நடவடிக்கையை அரசு எடுத்துவருகிறது. இதனால், உங்கள் ரேஷன் அட்டையை உடனே புதுப்பிக்க வேண்டும். அருகில் உள்ள இ-சேவை மையத்துக்கு சென்றோ அல்லது https://www.tnpds.gov.in/ இணையதளம் வாயிலாகவோ உங்கள் முகவரியை அப்டேட் செய்யலாம். ஆதார் (அ) EB Bill வைத்தே இதனை மாற்றலாம். SHARE.
News October 12, 2025
பிக்பாஸை தடை செய்யுங்க: வேல்முருகன்
பிக்பாஸ் நிகழ்ச்சியை அரசு தடை செய்ய வேண்டும் என தவாக தலைவர் வேல்முருகன் வலியுறுத்தியுள்ளார். பிக்பாஸ், சண்டை, குரோதம், ஆபாசம், பொய், துரோகம் போன்ற எதிர்மறை உணர்ச்சிகளின் களமாகவே இருக்கின்றது. இவை எதுவுமே தமிழ்ச் சமூகத்தின் பாரம்பரிய அடையாளங்கள் அல்ல. குறிப்பாக, தமிழ் குடும்பத்தின் அன்பு, அரவணைப்பு, விட்டுக்கொடுத்தல் ஆகிய விழுமியங்களை அழிக்கும் இந்நிகழ்ச்சியை உடனே தடை செய்ய வேண்டும் என்றார்.
News October 12, 2025
BREAKING: ஒரே அடியாக ₹3,000 வரை உயர்ந்தது
தீபாவளியை முன்னிட்டு ஆம்னி பஸ்களில் டிக்கெட் கட்டணம் 3 மடங்கு அதிகரித்துள்ளதாக பயணிகள் புகார் தெரிவிக்கின்றனர். வழக்கமாக சென்னையில் நெல்லைக்கு ₹5,000, கோவைக்கு ₹3,000, மதுரைக்கு ₹4,000 என குறைந்தபட்சம் ஒவ்வொரு ஊர்களுக்கும் ₹2,000 – ₹3000 வரை கூடுதலாக டிக்கெட் கட்டணம் வசூலிக்கப்படுகின்றன. கூடுதல் கட்டணம் வசூலிப்பவர்கள் மீது அரசு கடும் நடவடிக்கை எடுக்க வேண்டும் என கோரிக்கை விடுக்கின்றனர்.