News October 12, 2025
விஜய், அஜித் இடத்தை நிரப்ப முடியுமா?
‘DUDE’ பட புரமோஷன் நிகழ்ச்சியில் பேசிய நடிகர் பிரதீப் ரங்கநாதன், தமிழ் சினிமாவில் விஜய், அஜித் இடத்தை யாராலும் நிரப்ப முடியாது என தெரிவித்துள்ளார். இந்த இடத்திற்கு வர அவர்கள் 30 ஆண்டுகள் உழைத்திருக்கிறார்கள் எனக் குறிப்பிட்ட பிரதீப், இன்னும் 30 ஆண்டுகளுக்கு பிறகே அவர்கள் இடத்தை யார் பிடிக்கிறார்கள் என்பது தெரியும் எனக் கூறியுள்ளார். பிரதீப்பின் ‘DUDE’ படம் அக்.17-ல் ரிலீசாக உள்ளது.
Similar News
News October 12, 2025
டிரோன் தாக்குதலில் 60 பேர் பலி
ஆப்ரிக்க நாடான சூடானில் துணை ராணுவம் நடத்திய ட்ரோன் தாக்குதலில் 60 பேர் உயிரிழந்தனர். 3 ஆண்டுகளாக உள்நாட்டு கிளர்ச்சி நீடிக்கும் நிலையில், வடக்கு டார்பூரில் நடத்தப்பட்ட தாக்குதலில், பல குழந்தைகளும், பெண்களும் உயிரிழந்ததாக அந்நாட்டு ஊடகங்கள் தெரிவிக்கின்றன. ஆளும் ராணுவத்திற்கும், துணை ராணுவத்திற்கும் இடையிலான மோதலால் லட்சக்கணக்கானோர் இடம்பெயர்ந்துள்ளனர் என்பது குறிப்பிடத்தக்கது.
News October 12, 2025
மதுரையில் பிரசார பயணத்தை தொடங்குகிறார் நயினார்
மதுரையில் இன்று தனது முதல்கட்ட பிரசார பயணத்தை நயினார் நாகேந்திரன் தொடங்குகிறார். அண்ணாநகர் பகுதியில் நடைபெறும் ‘தமிழகம் தலை நிமிர தமிழனின் பயணம்’ தொடக்க நிகழ்ச்சியில் நிர்மலா சீதாராமன் மற்றும் கூட்டணி கட்சி தலைவர்கள் பங்கேற்கின்றனர். மக்களுக்கு குடிநீர் வழங்க வேண்டும், கர்ப்பிணிகள் பங்கேற்க கூடாது உள்ளிட்ட 15-க்கும் அதிகமான நிபந்தனைகளை நயினாரின் பரப்புரைக்கு மதுரை போலீஸ் விதித்துள்ளது.
News October 12, 2025
Women’s WC: இன்று இந்தியா Vs ஆஸ்திரேலியா
மகளிர் உலக கோப்பையில் இன்று இந்தியா, ஆஸ்திரேலியா அணிகள் பலப்பரீட்சை நடத்துகின்றன. கடந்த போட்டியில் தென்னாப்பிரிக்காவிடம் தோற்ற இந்தியா, வெற்றிப் பாதைக்கு திரும்பும் முனைப்பில் உள்ளது. நடப்பு தொடரில் தோல்வியே காணாத ஆஸி., இப்போட்டியில் இந்தியாவை வீழ்த்தி முதல் இடத்திற்கு முன்னேற நினைக்கிறது. வலுவான ஆஸி.,யை வீழ்த்த வேண்டுமானால் இந்தியா கடுமையான போட்டியை வெளிப்படுத்துவது அவசியம்.