News October 11, 2025
BREAKING: நடிகர் ரஜினி வீட்டில் இரவில் பரபரப்பு
சென்னை போயஸ் கார்டனில் உள்ள ரஜினி வீட்டிற்கு மர்ம நபர் வெடிகுண்டு மிரட்டல் விடுத்தது பரபரப்பை ஏற்படுத்தியது. இமெயில் மூலம் மிரட்டல் விடுக்கப்பட்டதை அடுத்து, தேனாம்பேட்டை போலீஸார் அவரது வீட்டிற்கு விரைந்தனர். மோப்ப நாய், வெடிகுண்டு நிபுணர்கள் வீடு முழுவதும் சோதனையிட்டனர். இதனையடுத்து, அது வெறும் புரளி என தெரியவந்தது. விஜய், கமல் வீடுகளுக்கும் அண்மையில் வெடிகுண்டு மிரட்டல் விடுக்கப்பட்டிருந்தது.
Similar News
News October 12, 2025
சீரியஸாக இருக்கும்போது சிரிப்பு வருதா?
சீரியஸான நேரத்தில் அல்லது மன அழுத்தத்தில் நீங்கள் எப்போதாவது சிரிப்பதை உணர்ந்திருக்கிறீர்களா? இதை பலரும் மோசமான நடத்தை என்று நினைக்கிறோம். ஆனால், இது அதிக புத்திசாலித்தனத்தை பிரதிபலிப்பதாக உளவியலாளர்கள் கூறுகின்றனர். மேலும், பதட்டமான சூழ்நிலையில் சிரிப்பவர்கள், குறைவான மனப் போராட்டங்களை எதிர்கொள்வதாக 2017-ஆம் ஆண்டு நடத்தப்பட்ட ஆய்வில் கண்டறியப்பட்டுள்ளது.
News October 12, 2025
தமிழ் திரையுலகம் வீக் ஆகிவிட்டது : டி.ராஜேந்தர்
தமிழ் சினிமா வீக் ஆகிவிட்டதாக டி.ராஜேந்தர் வருந்தியுள்ளார். கன்னட படம் காந்தாரா ஓடுது தாறுமாறா; ஆனால் இங்கு தமிழ் படங்கள் ஏன் ஆகிறது நேர் மாறா; மலையாள படம் ஓடுது கலக்குது லோகா; தமிழ் திரையுலகம் ஆகிவிட்டது வீக்கா என்று அடுக்குமொழியில் பேசியுள்ளார். பிற மொழி படங்கள் நன்றாக ஓடுகிறதே என தனக்கு பொறாமை இல்லை, எனினும் தமிழ் சினிமா ஏன் இப்படி இருக்கிறது என்ற ஆதங்கம் ஏற்படுவதாக அவர் கூறியுள்ளார்.
News October 12, 2025
NLC-ல் வேலை.. 1,101 பணியிடங்கள்
பொதுத்துறை நிறுவனமான NLC-ல் 1,101 அப்ரண்டீஸ் பணியிடங்களை நிரப்ப அறிவிப்பு வெளியாகியுள்ளது. வயர்மேன், வெல்டர், தச்சர், பிளம்பர், மோல்டர், எலக்ட்ரீஷியன், மெக்கானிக் ஃபிட்டர் உள்ளிட்ட பணியிடங்களுக்கு 12-ம் வகுப்பு மற்றும் ஐடிஐ படித்தவர்கள் விண்ணப்பிக்கலாம். 18 வயது பூர்த்தியானவர்கள் www.nlcindia.in/en/careers/jobs தளத்தில் வரும் 21ஆம் தேதி விண்ணப்பிக்கவும்.