News October 11, 2025
ராக்கெட் வேகத்தில் தங்கம் விலை உயர்கிறது: CM ஸ்டாலின்
தங்கம் விலை ஒரு நாளைக்கு 2 முறை ராக்கெட் வேகத்தில் உயர்வதாக CM ஸ்டாலின் தெரிவித்துள்ளார். கலைமாமணி விருது வழங்கும் விழாவில் பேசிய அவர், தங்கத்தை விட தமிழக அரசு வழங்கும் தங்கப் பதக்கத்துக்கு மதிப்பு அதிகம் என்று கூறினார். விருது அறிவிக்கும் போது இருந்த தங்கத்தின் விலையை விட, அதை வழங்கும்போது அதிகரித்துள்ளதாகவும் குறிப்பிட்டுள்ளார். இவ்விருது பெறுபவர்களுக்கு 3 சவரன் தங்கப் பதக்கம் வழங்கப்படும்.
Similar News
News October 12, 2025
MS தோனி பொன்மொழிகள்
*உங்களின் ஒரு வெற்றி, ஆயிரம் விமர்சனங்களுக்கான முற்றுப்புள்ளி. *நூறு சதவிகித உழைப்பை கொடுத்தப் பின்னர், அதன் முடிவைப் பற்றி கவலைப்படாதீர்கள். *கடைசி நிமிடத்தில் கூட எதாவது அதிசயம் நடக்கலாம். அதனால், தன்னம்பிக்கையை இழக்காதே. *உங்கள் தனித்திறன் என்னவோ அதில் மட்டும் கவனம் செலுத்துங்கள். வெற்றி உங்களுடையதாகிவிடும். *திட்டம் சரியில்லை என்றால், திட்டத்தை மாற்றுங்கள். இலக்கை அல்ல.
News October 12, 2025
2027 உலக கோப்பையில் விளையாட விருப்பம்: ஜடேஜா
2027 உலக கோப்பையில் விளையாட விரும்புவதாக ஆல்ரவுண்டர் ஜடேஜா தெரிவித்துள்ளார். ஆஸ்திரேலியா ODI தொடருக்கு தான் தேர்வாகாதது குறித்த காரணத்தை கேப்டன், பயிற்சியாளர், தேர்வுக்குழு கூறியதாக குறிப்பிட்ட அவர், வாய்ப்பு கிடைக்கும் போது சிறப்பாக செயல்பட்டு 2027 உலக கோப்பைக்கான இந்திய அணியில் இடம் பெற முயற்சிப்பேன் என்றும் கூறினார். மேலும் ODI உலக கோப்பையை வெல்வதே தனது கனவு எனவும் பேசியுள்ளார்.
News October 12, 2025
10 விஜய் வந்தாலும் திமுகவை வீழ்த்த முடியாது: வீரபாண்டியன்
தவெக, அதிமுக சேர்ந்தாலும் சட்டமன்ற தேர்தலில் திமுக கூட்டணியை வீழ்த்த முடியாது என இந்திய கம்யூனிஸ்ட் மாநில செயலாளர் வீரபாண்டியன் தெரிவித்துள்ளார். 10 எடப்பாடி, 10 விஜய், 10 அண்ணாமலை சேர்ந்து வந்தாலும் கூட தேர்தலில் திமுக கூட்டணி அவர்களை தோற்கடிக்கும் என்றும் அவர் கூறியுள்ளார். மேலும், 2026 தேர்தலில் திமுகவிடம் கூடுதல் தொகுதிகளை கேட்டு பெறுவோம் எனவும் அவர் பேசியுள்ளார்.