News October 11, 2025
BREAKING: கட்சி மாறுகின்றனர்.. அரசியல் பரபரப்பு
பிஹாரில் அடுத்த மாதம் நடக்கும் தேர்தலுக்காக BJP, JDU, RJD, INC, JS உள்ளிட்ட முக்கிய கட்சிகளின் தலைவர்கள் பம்பரமாக சுழன்று வருகின்றனர். இதனிடையே, பிஹார் மாநில BJP தலைவர் திலிப் ஜெய்ஸ்வால், RJD, காங்கிரஸ் கட்சியை சேர்ந்த அரை டஜன்(6) MLA-க்கள் பாஜகவில் இணைய உள்ளனர் என கூறி புதிய பரபரப்பை ஏற்படுத்தியுள்ளார். இதனால், யார் அந்த 6 பேர் என சம்பந்தப்பட்ட கட்சிகள் விசாரணையில் இறங்கியுள்ளதாம்.
Similar News
News October 11, 2025
BREAKING: அக்.17-ல் கரூர் செல்கிறார் விஜய்
கரூர் துயரம் நடந்து 15 நாள்களான நிலையில், உயிரிழந்தோரின் குடும்பத்தினரை அக்.17-ல் சந்திக்க இருப்பதாக விஜய் முடிவெடுத்துள்ளார். அன்றைய தேதியில் அனுமதி கோரி கரூர் SP அலுவலகத்தில் தவெக தரப்பில் கடிதம் கொடுக்கப்பட்டுள்ளது. அனுமதி கிடைத்ததும், பாதிக்கப்பட்டோருக்கு தலா ₹20 லட்சம் நிவாரணமும் விஜய் வழங்கவுள்ளார். துயர சம்பவம் நடந்த வேலுச்சாமிபுரத்தில் உள்ள தனியார் மண்டபத்திலேயே நிகழ்ச்சி நடைபெற உள்ளது.
News October 11, 2025
இந்தியாவுக்காக சதம்.. டாப்பில் கில்!
இந்தியாவுக்காக WTC தொடரில் அதிக சதங்களை அடித்த வீரராக சுப்மன் கில் மாறியுள்ளார். அவர் 71 இன்னிங்ஸில் 10 சதங்களை அடித்துள்ளார். 2-வது இடத்தில் ரோஹித் சர்மா (9 சதங்கள்), 3-வது இடத்தில் ஜெய்ஸ்வால் (7 சதங்கள்) உள்ளனர். அதே நேரத்தில், ஒரு ஆண்டில் இந்திய கேப்டனாக 5 சதங்களை அடித்த கோலியின் சாதனையையும் கில் இன்று சமன் செய்துள்ளார். இருப்பினும், இச்சாதனையை கோலி இரு முறை (2017, 2018) படைத்துள்ளார்.
News October 11, 2025
AI ஆல் கடுப்பான பிரியங்கா மோகன்
AI-ஐ படைப்பு திறனுக்கு பயன்படுத்தப்பட வேண்டுமே தவிர, தவறான செயல்களுக்கு அல்ல என்று பிரியங்கா மோகன் தெரிவித்துள்ளார். இவரது சில கிளாமர் போட்டோஸ் வைரலான நிலையில், அவை AI ஆல் உருவாக்கப்பட்டவை என்று பிரியங்கா விளக்கமளித்துள்ளார். இவ்வாறான போலி போட்டோஸை ஷேர் செய்வதையோ, பரப்புவதையோ நிறுத்துங்கள் என்று கேட்டுக் கொண்டுள்ளார். முன்னதாக, ரஷ்மிகா உள்ளிட்ட சிலரின் AI போட்டோஸும் வெளியாகின.