News October 9, 2025
கயாது காட்டில் பட மழை
சுந்தர் C இயக்கத்தில் விஷால் நடிக்கும் படத்தில், கயாது லோஹர் கமிட்டாகி உள்ளதாக தகவல் வெளியாகியுள்ளது. மேலும், இப்படத்தில் 2 ஹீரோயின்கள் எனவும், இன்னொரு ஹீரோயினுக்கான பேச்சுவார்த்தை நடந்து வருவதாகவும் கூறப்படுகிறது. ஏற்கனவே, அதர்வாவுடன் ‘இதயம் முரளி’ நடித்து முடித்த கயாது, சிம்பு, ஜி.வி.பிரகாஷ் படங்களிலும் நடிக்க ஒப்பந்தம் செய்யப்பட்டுள்ளார். இதுபோக தெலுங்கு, மலையாள படங்களிலும் நடித்து வருகிறார்.
Similar News
News October 9, 2025
வானில் விண்கல் மழை PHOTOS
டிராகோனிட் விண்கல் மழை என்பது ஒரு வால் நட்சத்திரம் தன்னுடைய துகள்களை பூமியின் வளிமண்டலத்தில் வீசும் போது ஏற்படுகிறது. அந்த துகள்கள் வளிமண்டலத்திற்குள் நுழையும் போது, தீப்பொறிகளைப் போல் எரிந்து ‘ஷூட்டிங் ஸ்டார்ஸ்’ என அழைக்கப்படும் ஒளிக்கற்றைகளை உருவாக்குகின்றன. இது (அக். 8) நேற்று ஆசியாவின் சில பகுதிகளில் பிரகாசமாக தெரிந்தது. இந்த அழகான நிகழ்வின் போட்டோஸை மேலே பகிர்ந்துள்ளோம்.
News October 9, 2025
ஒவ்வொரு குடும்பத்திற்கும் அரசு வேலை: தேஜஸ்வி
பிஹாரில் அரசு வேலையில் இல்லாத குடும்பத்தினரில் ஒருவருக்கு அரசு வேலை வழங்கப்படும் என தேஜஸ்வி யாதவ் வாக்குறுதி கொடுத்துள்ளார். மகாகத்பந்தன் கூட்டணி ஆட்சிக்கு வந்த 20 நாள்களில் அரசு வேலை வழங்கப்படும் எனவும், 20 மாதங்களில் அரசு வேலை செய்யாத குடும்பங்கள் பிஹாரில் இருக்காது என்றும் அவர் உறுதியளித்துள்ளார். பிஹாரில் வரும் நவ.6-ம் தேதி சட்டசபை தேர்தல் தொடங்க உள்ளது குறிப்பிடத்தக்கது.
News October 9, 2025
பெண்களுக்கு 12 நாள்கள் லீவு… ஏன் தெரியுமா?
மாதத்திற்கு ஒரு நாள் என ஆண்டுக்கு 12 நாள்கள் மாதவிடாய் விடுப்பு வழங்க CM சித்தராமையா தலைமையிலான கர்நாடக அமைச்சரவை ஒப்புதல் அளித்துள்ளது. இதன்படி, அரசு, தனியார் உள்பட தொழில்துறை நிறுவனங்கள் சம்பளத்துடன் கூடிய விடுப்பு வழங்க வேண்டும். முன்னதாக, பிஹாரில் 2 நாள்களும், ஒடிசாவில் ஒரு நாளும் மாதவிடாய் விடுப்பு வழங்கப்படுகிறது. TN-ல் மகப்பேறு விடுப்பு உள்ள நிலையில், மாதவிடாய் விடுப்பு வழங்கப்படுமா?