News October 9, 2025
அக்டோபர் 9: வரலாற்றில் இன்று
*1897–மறைந்த முதல்வர் எம்.பக்தவத்சலம் பிறந்தநாள். *1924–இம்மானுவேல் சேகரன் பிறந்தநாள். *1945-இசைக் கலைஞர் அம்ஜத் அலி கான் பிறந்தநாள். *1967-சே குவேரா சுட்டுக் கொலை. *1968– அரசியல்வாதி அன்புமணி பிறந்தநாள்.*1987–நிதர்சனம் தொலைக்காட்சி நிறுவனம், முரசொலி நாளிதழ் கட்டடங்களை இந்திய ராணுவம் தகர்த்தது. *2001–பாரதிதாசனுக்கு அஞ்சல் தலை வெளியீடு. *2010– நடிகர் எஸ்.எஸ். சந்திரன் மறைந்த நாள்.
Similar News
News October 9, 2025
BREAKING: தங்கம் விலை வரலாறு காணாத மாற்றம்
சென்னையில் ஆபரணத் தங்கத்தின் விலை இன்று(அக்.9) சவரனுக்கு ₹120 அதிகரித்துள்ளது. இதனால் வரலாறு காணாத புதிய உச்சமாக 22 கேரட் தங்கம் 1 கிராம் ₹11,400-க்கும், சவரன் ₹91,200-க்கும் விற்பனையாகிறது. தங்கத்தை பொறுத்தவரையில் கடந்த 9 நாள்களில் மட்டும் சவரனுக்கு ₹4,320 அதிகரித்துள்ளது. இது தொடர்பாக தங்க நகை வியாபாரிகளிடம் கேட்டபோது வரும் நாள்களிலும் விலை உயரும் என கூறியுள்ளனர்.
News October 9, 2025
இந்தியர்கள் வாழும் பகுதியை ‘SLUM’ என்ற பிரிட்டன் MP
பிரிட்டனில் இந்தியர்களும், பாகிஸ்தானியர்களும் அதிகம் வசிக்கும் ஹேண்ட்ஸ்வொர்த் பகுதியை, SLUM (சேரி) என அந்நாட்டு MP ராபர்ட் ஜென்ரிக் விமர்சித்தது சர்ச்சையாகியுள்ளது. ஒரு வெள்ளையரை கூட அங்கு காணவில்லை எனவும், தான் வாழ விரும்பும் நாடு இது அல்ல என்றும் அவர் கூறியுள்ளார். ஆனால், இது கலாச்சார பன்முகத்தன்மை மிக்க பகுதி எனவும், MP இனவெறியுடன் பேசுவதாகவும் பலரும் கண்டித்து வருகின்றனர்.
News October 9, 2025
ஆஸி., அணியில் இருந்து விலக ₹58 கோடி வரை பேரம்?
ஆஸி., அணியில் இருந்து விலகி, சர்வதேச டி20 லீக்குகளில் மட்டும் விளையாட, பேட் கம்மின்ஸ் மற்றும் டிராவிஸ் ஹெட்டிடம் IPL அணி ஒன்று பேரம் பேசியுள்ளதாக தகவல் வெளியாகியுள்ளது. ஆண்டுக்கு தலா ₹58 கோடி தருவதாக கூறியும், அந்த ஒப்பந்தத்தை இருவரும் நிராகரித்துள்ளதாக கூறப்படுகிறது. சொந்த ஆஸி., அணியில் விளையாட டிராவிஸ் ஹெட் ₹8.76 கோடியும், கேப்டன் பேட் கம்மின்ஸ் ₹26.28 கோடியும் சம்பளம் வாங்குகின்றனர்.