News October 8, 2025
BREAKING: ராமதாஸூடன் பேசினார் திருமா
பாமக நிறுவனர் ராமதாஸை தொலைபேசி மூலம் தொடர்புகொண்டு திருமா உடல்நலம் குறித்து விசாரித்துள்ளார். திவ்யா – இளவரசன் காதல் திருமண விவகாரம் இருசமூகத்தினர் இடையே மோதலாக மாறியதால், திருமாவுக்கும், ராமதாஸூக்கும் மனகசப்பு ஏற்பட்டது. இதனால், சுமார் 12 ஆண்டுகளாக இருவரும் பேசிக்கொள்ளவில்லை; அரசியல் ரீதியாக எதிரிகளாகவும் மாறினர். இந்நிலையில், இருவரும் பேசியது அரசியல் ரீதியாக முக்கியத்துவம் பெற்றுள்ளது.
Similar News
News October 8, 2025
பாடகர் மர்ம மரணத்தில் டிஎஸ்பி கைது
சிங்கப்பூரில் ஸ்கூபா டைவிங்கின் போது அசாம் பாடகர் ஜுபின் கார்க் உயிரிழந்த விவகாரத்தில், அவரின் உறவினரும், அசாம் டிஎஸ்பியுமான சந்தீபன் கார்க் கைது செய்யப்பட்டுள்ளார். ஜுபின் கார்க் ஸ்கூபா டைவிங் செய்தபோது சந்தீபன் கார்க் உடனிருந்ததாக கூறப்படுகிறது. புலனாய்வு துறையினரின் தீவிர விசாரணைக்கு பின் அவரை கைது செய்துள்ளனர். பாடகர் ஜுபின் கார்க் மர்ம மரணம் தொடர்பாக இதுவரை 5 பேர் கைது செய்யப்பட்டுள்ளனர்.
News October 8, 2025
காசாவை பற்றி ஸ்டாலினுக்கு எதற்கு கவலை? அண்ணாமலை
காசாவில் இஸ்ரேல் நடத்திவரும் மனித உரிமை மீறலுக்கு எதிரான போராட்டத்தில் CM ஸ்டாலின் கலந்துகொண்டார். இந்நிலையில், கள்ளக்குறிச்சிக்கு வழி தெரியாதவர்களுக்கு காசாவை பற்றிய கவலை எதற்கு ஸ்டாலின் அவர்களே என்று அண்ணாமலை கேள்வி எழுப்பியுள்ளார். கள்ளக்குறிச்சியில் மக்களை காவு கொடுத்த நீங்கள் காசாவிற்கு கருணை காட்ட சொல்வது ஆகச்சிறந்த நகைச்சுவை என்றும் கடுமையாக விமர்சித்துள்ளார்.
News October 8, 2025
+2 மதிப்பெண் சான்று.. தமிழக அரசு புதிய அறிவிப்பு
2014 – 2018-ம் ஆண்டு வரையிலான காலகட்டத்தில் தனித்தேர்வர்களாக +2 பொதுத்தேர்வு எழுதியவர்கள் சுமார் 2 லட்சம் பேர் இன்னும் மார்க் ஷீட்டை பெற்றுக்கொள்ளவில்லை என TN அரசு தெரிவித்துள்ளது. 2026 ஜனவரி 10-ம் தேதிக்குள் மார்க் ஷீட்டை பெற்றுக்கொள்ளாவிட்டால் அவற்றை அழிக்க அரசு முடிவெடுத்துள்ளது. இதனால், மார்க் ஷீட்டை வாங்காதவர்கள் உடனடியாக கல்வித்துறையை அணுகி பெற்றுக்கொள்ளவும். மற்றவர்களுக்கும் ஷேர் பண்ணுங்க.