News October 8, 2025
கூட்டணி கட்சிகளுக்கு அதிக சீட் வழங்கவுள்ளதா திமுக?
2026 தேர்தலில் கூட்டணி கட்சிகளுக்கு அதிக சீட் உள்ளிட்ட ஆஃபர்களை அள்ளிவீச திமுக தலைமை முடிவு செய்துள்ளதாக தகவல் வெளியாகியுள்ளது. தவெகவை கைகாட்டி திமுக தலைமைக்கு காங்கிரஸ் பிரஷரை ஏற்றி வருகிறதாம். கூட்டணி உடையக்கூடாது என்பதில் கவனமாக இருக்கும் திமுக தலைமை, பிஹார் தேர்தல் முடிந்ததும், கூட்டணியை இறுதி செய்து ஒப்பந்தத்தில் கையெழுத்து வாங்க தீவிரம் காட்டி வருகிறதாம்.
Similar News
News October 8, 2025
கவர்னர் தேர்தல் பரப்புரையை தொடங்கிவிட்டார்: உதயநிதி
எல்லா கட்சிகளும் தேர்தல் பரப்புரையை தொடங்கியுள்ள நிலையில், சமீபத்தில் கவர்னரும் பரப்புரையை தொடங்கியுள்ளதாக உதயநிதி ஸ்டாலின் விமர்சித்துள்ளார். தமிழகம் யாருடன் போராட போகிறது என கவர்னர் RN ரவி கேள்வி எழுப்பியிருந்தார். இதற்கு பதிலளித்துள்ள உதயநிதி, கடந்த நான்கரை ஆண்டுகளாக தமிழகம் கவர்னருடன் போராடி கொண்டிருப்பதாகவும், தொடர்ந்து போராடி வெல்வோம் என்றும் கூறியுள்ளார்.
News October 8, 2025
விஜய்க்காக மதுரை தவெகவினர் ஒட்டிய போஸ்டர்
கரூர் சம்பவத்தில் விஜய்க்கு எதிராக சூழ்ச்சி நடப்பதாக தவெகவினர் கூறிவருகின்றனர். இதனாலேயே மனதளவில் சோர்ந்துள்ள விஜய் இன்னும் களத்துக்கு வரவில்லை என கூறப்படுகிறது. இந்நிலையில், விஜய்க்கு தெம்பூட்டும் வகையில் மதுரையில் தவெகவினர் போஸ்டர் ஒட்டியுள்ளனர். அதில், கரூர் விவகாரத்தில் உண்மை வெளிவரும் என சொல்லும் வகையில் MGR-ன் பாடல் வரிகள் இடம்பெற்றுள்ளதால் மீண்டும் சர்ச்சையாகியுள்ளது.
News October 8, 2025
உள்நாட்டு தயாரிப்பான Zoho-க்கு மாறிவிட்டேன்: அமித்ஷா
உள்நாட்டு தயாரிப்பான Zoho Mail-க்கு மாறியுள்ளதாக உள்துறை அமைச்சர் அமித்ஷா தெரிவித்துள்ளார். amitshah.bjp@zohomail.in. தான் தன்னுடைய புதிய இ-மெயில் முகவரி எனவும், எதிர்கால மெயில் பரிமாற்றங்களுக்கு இந்த முகவரியையே பயன்படுத்துமாறும் அவர் கேட்டுக் கொண்டுள்ளார். உள்நாட்டு தயாரிப்புகளுக்கு முன்னுரிமை கொடுக்க PM மோடி கேட்டுக் கொண்ட நிலையில், பலரும் மாறி வருவது குறிப்பிடத்தக்கது.