News October 6, 2025
பைசன் தான் எனக்கு முதல் படம்: துருவ் விக்ரம்
மாரிசெல்வராஜ், துருவ் விக்ரம் கூட்டணியில் உருவாகியுள்ள ‘பைசன் காளமாடன்’, தீபாவளிக்கு வெளியாகிறது. இதனிடையே தனது முதல் 2 படங்களையும் பார்க்காவிட்டாலும் பரவாயில்லை, பைசனை மிஸ் பண்ணாதீங்க என ரசிகர்களிடம் துருவ் கேட்டுக்கொண்டுள்ளார். இந்த படத்திற்கு 100% உழைத்துள்ளதாகவும், இதுதான் உண்மையில் தனது முதல் படம் என்றும் குறிப்பிட்டுள்ளார். குடும்பத்துடன் கண்டு ரசிக்கும் படம் ‘பைசன்’ எனவும் கூறியுள்ளார்.
Similar News
News October 6, 2025
அனைத்து ஃபார்மட்களிலும் ஹர்ஷித் ராணா.. ஏன்?
ஆஸி.,க்கு எதிரான டி20, ODI போட்டிகளுக்கான அணியில், ஹர்ஷித் ராணா இடம்பெற்றிருப்பது விமர்சனங்களுக்கு உள்ளாகியுள்ளது. IPL-ல் KKR-க்காக விளையாடியதால் கம்பீர் அவருக்கு முன்னுரிமை அளிப்பதாகவும், சிறப்பான ஆட்டத்தை வெளிப்படுத்தாத அவருக்கு, அனைத்து ஃபார்மட்களிலும் வாய்ப்பு அளிக்கப்படுவதாகவும் நெட்டிசன்கள் குற்றஞ்சாட்டுகின்றனர். மேலும், ஷமி, சிராஜை ஏன் எடுக்கவில்லை என்றும் கேள்வி எழுப்புகின்றனர்.
News October 6, 2025
BREAKING: கரூர் சென்றார் கமல்
கரூர் துயர சம்பவத்தில் பாதிக்கப்பட்ட மக்களுக்கு அனைத்து கட்சியினரும் ஆறுதல் கூறி வருகின்றனர். இந்நிலையில், மநீம தலைவர் கமல்ஹாசனும் கரூருக்கு விரைந்துள்ளார். செந்தில் பாலாஜியுடன் சென்ற அவர், கூட்ட நெரிசல் ஏற்பட்ட இடத்தை பார்வையிட்டார். இதனையடுத்து, பாதிக்கப்பட்ட மக்களை நேரில் சந்தித்து, கமல் ஆறுதல் கூற உள்ளார்.
News October 6, 2025
சற்றுமுன்: தங்கம் விலை தாறுமாறாக மாறியது
ஆபரணத் தங்கத்தின் விலை இன்று ஒரே நாளில் ₹1,400 அதிகரித்து நடுத்தர மக்களுக்கு அதிர்ச்சி கொடுத்துள்ளது. காலையில் சவரனுக்கு ₹880 அதிகரித்த நிலையில், மாலையில் ₹520 உயர்ந்துள்ளது. தற்போது, ஒரு கிராம் ₹11,125-க்கும், ஒரு சவரன் ₹89,000-க்கும் விற்பனை செய்யப்பட்டு வருகிறது. இந்தாண்டில் மட்டும் 1 சவரன் 30,000-க்கு மேல் அதிகரித்திருப்பது குறிப்பிடத்தக்கது.