News October 4, 2025
2 நாளில் ₹100 கோடி தாண்டிய ‘காந்தாரா சாப்டர் 1’ வசூல்
தியேட்டர்களை அதிர வைத்துக்கொண்டிருக்கும் ரிஷப் ஷெட்டியின் ‘காந்தாரா சாப்டர் 1’, 2 நாள்களில் ₹100 கோடி வசூலை தாண்டியுள்ளது. பெரும் எதிர்பார்ப்புடன் வெளியான இப்படம் முதல் நாளிலேயே ₹61.85 கோடி வசூல் செய்தது. இதனையடுத்து 2-ம் நாளில் ₹43.65 கோடியை வசூலிக்க, ஒட்டுமொத்தமாக ₹105.5 கோடியை படம் இதுவரை ஈட்டியுள்ளது. 2022-ல் வெளியான ‘காந்தாரா’ படம் ஒருவாரத்தில் ₹30.3 கோடியை வசூலித்திருந்தது.
Similar News
News October 4, 2025
பழம்பெரும் நடிகை சந்தியா சாந்தாராம் காலமானார்
பாலிவுட்டின் பழம்பெரும் நடிகை சந்தியா சாந்தாராம் (94) காலமானார். இவர் இந்தி திரையுலகின் லெஜண்ட் இயக்குநரான மறைந்த வி.சாந்தாராமின் மனைவியாவார். ஜனக் ஜனக் பாயல் பாஜே, நவ்ரங், தோ ஆங்கென் பாரா ஹாத், பின்ஜாரா உள்ளிட்டவை இவர் நடித்த படங்களில் மிக பிரபலமானவை. மிகச்சிறந்த நடிகையான சந்தியா, நடனத்திலும் பெயர் பெற்றவர். இவரது மறைவுக்கு திரையுலகினர் இரங்கல் தெரிவித்து வருகின்றனர்.
News October 4, 2025
நீரவ் மோடிக்கு சகல வசதிகளும் கொண்ட சிறை
நீரவ் மோடியிடம் ₹13,000 கோடி PNB வங்கி மோசடி குறித்து விசாரிக்கப்பட மாட்டாது என UK அரசிடம் இந்திய அரசு உறுதியளித்துள்ளது. மேலும், சகல வசதிகளையும் கொண்ட தரமான சிறையில் அவர் அடைக்கப்படுவார் என்றும் தெரிவித்துள்ளது. இந்திய சிறைகளின் நிலையை கருத்தில் கொண்டு, நீரவ் மோடியை நாடு கடத்த UK கோர்ட் தயக்கம் காட்டியது. இதேபோல், பெல்ஜியத்தில் உள்ள அவரது உறவினர் மெகுல் சோக்ஸிக்கும் இந்திய அரசு உறுதியளித்தது.
News October 4, 2025
மெக்னீசியம் குறைவா இருக்கா?
மிக முக்கியமான தாதுக்களில் ஒன்றான மெக்னீசியம், 300-க்கும் மேற்பட்ட உடல் செயல்பாடுகளில் முக்கிய பங்கு வகிக்கிறது. மெக்னீசியம் குறைவாக இருந்தால், தசை வலி, சோர்வு, மன அழுத்தம், தூக்கம் குறைவு உள்ளிட்ட பிரச்னைகள் ஏற்படும். மேலே மெக்னீசியம் நிறைந்த உணவுகளை, போட்டோக்களாக கொடுத்திருக்கிறோம். அவற்றை ஒவ்வொன்றாக ஸ்வைப் செய்து பாருங்க. இதில் இல்லாத வேறு ஏதேனும் உணவு, உங்களுக்கு தெரிந்தா கமெண்ட்ல சொல்லுங்க.