News October 2, 2025
இட்லி கடை படத்தின் முதல்நாள் வசூல்
தனுஷ் இயக்கி நடித்த ‘இட்லி கடை’ படம் நேற்று வெளியாகி நல்ல வரவேற்பை பெற்றுள்ளது. அருண் விஜய், நித்ய மேனன், சத்யராஜ், பார்த்திபன் என பெரும் நடிகர் பட்டாளமே நடித்துள்ள இப்படம் ஒரு ஃபீல் குட் படமாக பார்க்கப்படுகிறது. இந்நிலையில் படம் முதல் நாளில் இந்தியளவில் ₹10 கோடி வரை வசூல் செய்துள்ளதாக கூறப்படுகிறது. ஆனால் தனுஷின் முந்தைய படமான ‘குபேரா’ முதல்நாள் ₹15 கோடி வசூல் செய்திருந்தது குறிப்பிடத்தக்கது.
Similar News
News October 2, 2025
திருப்பதி சக்ர ஸ்நானம் PHOTOS
திருப்பதி ஏழுமலையான் கோயில் பிரம்மோற்சவத்தின் கடைசி நாளான இன்று, சக்ர ஸ்நானம் நடைபெற்றது. இதில், திரளான பக்தர்கள் கலந்து கொண்டு, ஸ்ரீவாரி புஷ்கரணியில் புனித நீராடினர். காலை 6 மணி முதல் 9 மணிக்குள் ஸ்ரீ பூவராக சுவாமி கோயில் மண்டபத்தில் உள்ள ஸ்ரீ சுதர்சன சக்கரத்தாழ்வாருடன் ஸ்ரீதேவி, பூதேவி மற்றும் ஸ்ரீ மலையப்ப சுவாமிகளுக்கு திருமஞ்சனம் வெகுவிமரிசையாக நடைபெற்றது.
News October 2, 2025
விஜய் அலுவலகத்தில் ஆயுத பூஜை கொண்டாட்டம்
சென்னை பனையூரில் உள்ள தவெக அலுவலகத்தில் இன்று ஆயுத பூஜை கொண்டாடப்பட்டுள்ளது. விஜய்யின் பரப்புரை பஸ், வேனுக்கு வாழை மரங்கள் கட்டி பூஜை செய்யப்பட்டுள்ளது. அந்த போட்டோக்கள் சோஷியல் மீடியாவில் வெளியானதை அடுத்து, 41 உயிர்களை குடித்த வாகனத்திற்கு பூஜையா என பலரும் கேள்வி எழுப்பி வருகின்றனர். அதேநேரத்தில், இதிலுமா அரசியல் செய்வீர்கள் என விஜய்க்கு ஆதரவாகவும் பலர் குரல் கொடுத்துள்ளனர். உங்கள் கருத்தென்ன?
News October 2, 2025
IND Vs WI டெஸ்ட் மழையால் பாதிப்பு
மழை குறுக்கீடு காரணமாக இந்தியா, வெஸ்ட் இண்டீஸ் இடையிலான முதல் டெஸ்ட் தடைபட்டது. வெஸ்ட் இண்டீஸ் அணி 162 ரன்களுக்கு சுருண்ட நிலையில், இந்திய அணி தனது முதல் இன்னிங்ஸை தொடங்கியது. தற்போது 12.4 ஓவர்களில் விக்கெட் இழப்பின்றி இந்தியா 23 ரன்கள் எடுத்துள்ளது. கேஎல் ராகுல் 18 ரன்னும், ஜெய்ஸ்வால் 4 ரன்னும் எடுத்து களத்தில் உள்ளனர். மழை நின்றதால் சற்றுமுன், ஆட்டம் மீண்டும் தொடங்கியுள்ளது.