News September 26, 2025
விசிகவை தொடர்ந்து காங்கிரஸும் கடும் எதிர்ப்பு!
வள்ளிகும்மி கலைஞர் KKC பாலுவிற்கு அறிவிக்கப்பட்ட கலைமாமணி விருதை திரும்ப பெற வேண்டும் என விசிகவை தொடர்ந்து காங்., வலியுறுத்தியுள்ளது. வள்ளிகும்மியில் பிற சாதி ஆண்களை திருமணம் செய்யமாட்டோம் என இளம்பெண்களை பாலு உறுதிமொழி எடுக்க வைத்ததாக, சசிகாந்த் செந்தில் வீடியோ வெளியிட்டு பதிவிட்டுள்ளார். மேலும், சாதி பாகுபாடுகளை நிறுவனமயப்படுத்தும் வள்ளிகும்மியை அரசு ஆதரிக்க கூடாது என்றும் வலியுறுத்தியுள்ளார்.
Similar News
News September 26, 2025
கள்ளச்சந்தையில் காவி ஐபோன் அமோக விற்பனை
காவி நிறத்தில் ஐபோன் 17 ப்ரோ மற்றும் ஐபோன் 17 ப்ரோ மேக்ஸ் ஆகிய 2 போன்களும் இந்தியாவில் வேகமாக விற்றுத்தீர்ந்துள்ளன. பகவான் நிறம் என இந்தியர்களால் வர்ணிக்கப்படும் இந்த போன்கள், ஸ்டாக் இல்லை என கூறப்பட்டாலும், கள்ளச்சந்தையில் கூடுதல் விலைக்கு விற்கப்பட்டு வருகின்றன. டீலர்களை பொறுத்து, போன்களின் விலையை விட ₹5,000 முதல் ₹25,000 வரை கூடுதலாக விற்கப்படுகின்றன.
News September 26, 2025
பிரபல பாடகர் மரணம்… சொன்னது பலித்தது
அசாமின் ஐகானான பாடகர் <<17761763>>ஜுபின் கார்க்<<>>, கடந்த வாரம் விபத்தில் உயிரிழந்தார். இந்நிலையில், அவர் கடைசியாக பேசிய பாட்காஸ்ட் வைரலாகிறது. அதில் அவர், ‘நான் இறந்தால், அசாமில் 7 நாள் துக்கம் அனுசரிக்கப்படும்’ என்கிறார். அவர் சொன்னபடியே, 3 நாள் அரசுமுறை துக்கத்துக்கு பின் அவரது இறுதிச்சடங்கு முழு அரசு மரியாதையுடன் நடந்தது. மக்களின் குரலாக ஒலித்த மகா கலைஞனுக்கு பல லட்சம் மக்கள் நேரில் அஞ்சலி செலுத்தினர்.
News September 26, 2025
டிரம்புக்கு தாளம் போடும் பாகிஸ்தான்
இந்தியா – பாக்., போரை தான் நிறுத்தியதாக தம்பட்டம் அடித்துக் கொண்ட டிரம்ப்பின் கருத்துக்கு வலுச் சேர்க்கும் வேலையை பாகிஸ்தான் செய்துள்ளது. பாக்., பிரதமர் ஷெபாஸ் ஷெரிப்பும் ராணுவ தளபதி ஆசிம் முனீரும் டிரம்ப்பை சந்தித்து இருதரப்பு பேச்சுவார்த்தை நடத்திய போது இந்தியா – பாகிஸ்தான் இடையே போர்நிறுத்தம் செய்யவும், மேற்கு ஆசியாவில் அமைதி திரும்பவும் டிரம்ப் உதவினார் என்று கூறியதாக தகவல் வெளியாகியுள்ளது.