News September 26, 2025
அமைச்சரவையில் பங்கு கேட்பது உரிமை: K.S.அழகிரி
சட்டப்பேரவை தேர்தலில் அதிக தொகுதிகள் ஒதுக்க வேண்டும் என்று காங்., முன்னாள் தலைவர் கே.எஸ்.அழகிரி மீண்டும் வலியுறுத்தியுள்ளார். அமைச்சரவையில் பங்கு கேட்பது எங்களது உரிமை. அதற்காக நாங்கள் கூட்டணி மாறிவிடுவோம் என கூறுவது வதந்தி என்று தெரிவித்தார். ராகுலுக்கு அரசியல் ரீதியாகவும், அரசியலுக்கு அப்பாற்பட்டும் ஸ்டாலின் சிறந்த நண்பர்; அவரிடம் எங்களின் உரிமையை கேட்கிறோம், அதில் எந்த தவறும் இல்லை என்றார்.
Similar News
News September 26, 2025
GST உயர்ந்தும் விலை அதிகரிக்காத பைக்
சமீபத்திய GST சீர்திருத்தங்களின் அடிப்படையில், 350 cc-க்கு அதிகமான பைக்குகளுக்கான GST 28%-லிருந்து 40% ஆக அதிகரித்தது. இருப்பினும், பிரபல Harley Davidson நிறுவனம், விலையை ஏற்றாமல் இருக்கும் நிலையிலேயே தொடர்வதாக அறிவித்துள்ளது. இதனால் Harley Davidson x440 பைக்குகள் ₹2.40 லட்சம் – ₹2.80 லட்சம் விலையிலேயே விற்பனையாகின்றன. உயர் ரக Street Glide வகை பைக் ₹42.50 லட்சத்துக்கு விற்பனையாகிறது.
News September 26, 2025
இனி மாதம் ₹2000-ஆக உயர்வா?
மாணவ, மாணவிகளுக்கு மாதம் ₹1000-ஐ TN அரசு வழங்கி வருகிறது. இந்த தொகையை ₹2000 ஆக உயர்த்த வேண்டும் என்ற கோரிக்கை நீண்ட நாள்களாக உள்ளது. இந்நிலையில், நேற்று நடந்த ‘கல்வியில் சிறந்த தமிழ்நாடு’ நிகழ்ச்சியில் பேசிய மாணவர் ஒருவர், ₹1000 போதவில்லை, உதவித்தொகையை உயர்த்த வேண்டும் என கோரிக்கை விடுக்க, உடனே கைதட்டி சிரித்துக் கொண்டே CM ஸ்டாலின் வரவேற்றார். தேர்தலுக்கு முன், இதுபற்றி அறிவிப்பு வெளியாகலாம்.
News September 26, 2025
ராமதாசுக்கு கொலை மிரட்டல்: MLA அருள்
ராமதாஸை கொலை செய்யவேண்டும் என்ற நிலைக்கு அன்புமணி ஆதரவாளர்கள் வந்துவிட்டதாக MLA அருள் குற்றம்சாட்டியுள்ளார். சில சமூகவலைதள பக்கங்களை காட்டி இப்புகாரை வைத்த அவர், ஏற்கெனவே ஒட்டுக்கேட்பு கருவி குறித்து போலீசிடம் புகாரளித்தும் நடவடிக்கை எடுக்கப்படவில்லை என கூறினார். எனவே மீண்டும் புகாரளிக்க உள்ளதாகவும், நடவடிக்கை எடுக்காத பட்சத்தில் மிகப்பெரிய போராட்டத்தை நடத்துவோம் எனவும் தெரிவித்துள்ளார்.