News September 25, 2025
தீபாவளி ஆஃபர்.. போன்கள் விலை குறைகிறது
பண்டிகை காலத்தை முன்னிட்டு, ஓராண்டுக்கு முன் அறிமுகமான பிரீமியம் ஸ்மார்ட்போன்களின் விலையை நிறுவனங்கள் குறைக்க உள்ளதாக தகவல் வெளியாகியுள்ளது. அதன்படி ஐபோன் 16 சீரிஸ் போன் விலை அதிகபட்சமாக ₹50,000 வரை (நிபந்தனைகள் உண்டு) குறைந்து, ஆஃபரில் கிடைக்க உள்ளன. அதேபோல் சாம்சங்கின் S24 Ultra ₹58,000, OnePlus 13 சீரிஸ் சராசரியாக ₹12,000, Vivo T4x ₹8,000, Motorola Razr 60 ₹10,000 வரை விலை குறைய வாய்ப்புள்ளது.
Similar News
News September 25, 2025
ஒரே மேடையில் விஜய், அஜித்
இன்று விஜய்யின் ‘குஷி’ படம் ரீரிலீஸாகியுள்ளது. இந்நிலையில், குஷி பட ஆடியோ லான்ச் விழாவில் அஜித்தும் விஜய்யும் ஒன்றாக கலந்துகொண்டது பற்றி தயாரிப்பாளர் AM ரத்னம் பகிர்ந்துள்ளார். ‘காதல் கோட்டை’ படத்தை தெலுங்கில் நான் ரீலீஸ் செய்ததால், அஜித்துடன் நல்ல பழக்கம் ஏற்படவே, தனது அழைப்பின் பேரில் குஷி பட விழாவில் கலந்துகொண்டதாக கூறியுள்ளார். மீண்டும் இருவரும் ஒன்றாக மேடையேறினால் எப்படி இருக்கும்?
News September 25, 2025
5-வது நாளாக தொடர் சரிவு.. முதலீட்டாளர்கள் கலக்கம்
இந்தியப் பங்குச்சந்தைகள் தொடர்ந்து 5-வது நாளாக சரிவுடன் நிறைவடைந்துள்ளன. இன்று சென்செக்ஸ் 555 புள்ளிகள் சரிந்து 81,159 புள்ளிகளிலும், நிஃப்டி 166 புள்ளிகள் சரிந்து 24,890 புள்ளிகளிலும் வர்த்தகத்தை நிறைவு செய்துள்ளன. ICICI, HDFC, Bajaj Finance நிறுவனங்களின் பங்குகள் கடும் சரிவை கண்டுள்ளன. அதேநேரம் Axis Bank, Bajaj Auto, Hero உள்ளிட்ட நிறுவனங்களின் பங்குகள் சற்று உயர்ந்துள்ளன.
News September 25, 2025
சிட்னி தண்டர் அணியுடன் அஸ்வின் ஒப்பந்தம்
பிக்பாஷ் தொடரில் சிட்னி தண்டர் அணியுடன் அஸ்வின் ஒப்பந்தம் செய்துள்ளார். ஐபிஎல்-ல் இருந்து ஓய்வை அறிவித்த அவர், டி20 லீக் போட்டிகளில் தொடர்ந்து விளையாடுவேன் என தெரிவித்திருந்தார். சிட்னி தண்டர் அணிக்காக அஸ்வின் 2 சீசனில் விளையாடுவார் என்றும் நடப்பு சீசனில் 4 போட்டிகளில் மட்டுமே ஆடுவார் எனவும் கூறப்படுகிறது. இந்நிலையில், சிட்னி தண்டர் அணிக்கு விளையாட ஆவலுடன் இருப்பதாக அஸ்வின் கூறியுள்ளார்.