News April 13, 2024
இந்தியாவுக்கு மோடி தேவையில்லை
இந்தியாவுக்கு இனிமேல் மோடி வேண்டாம் என கரு.பழனியப்பன் தெரிவித்துள்ளார். தருமபுரி திமுக வேட்பாளரை ஆதரித்து அவர் பரப்புரை செய்தார். அப்போது பேசிய அவர், தமிழகம் தருகின்ற வரியை மத்திய அரசு முழுமையாக திருப்பித் தருவதில்லை. ஒரு ரூபாயில் 29 பைசாவை மட்டுமே அவர்கள் திருப்பித் தரும் போதும் தமிழக முதல்வர் நல்ல பல திட்டங்களை செயல்படுத்தி வருவதாக கூறிய அவர், பாஜகவை வீழ்த்துவதே நமது இலக்கு என்றும் கூறினார்.
Similar News
News April 30, 2025
இந்தியாவில் வேகமெடுக்கும் ஐபோன் உற்பத்தி
ஒசூரில் புதிதாக அமைக்கப்பட்ட டாடா எலக்ட்ரானிக்ஸ் ஆலையில் பழைய ஐபோன் மாடல்களின் உற்பத்தி தொடங்கப்பட்டுள்ளன. அதேபோல், பெங்களூருவில் உள்ள ஃபாக்ஸ்கான் ஆலையில், புதிய ஐபோன் 16 மாடல்களின் உற்பத்தி விரைவில் தொடங்கப்பட உள்ளன. சீன இறக்குமதி பொருள்களுக்கு அமெரிக்கா அதிக வரி விதித்த நிலையில், இந்தியாவில் ஐபோன் உற்பத்தியை அதிகரிக்க ஆப்பிள் நிறுவனம் திட்டமிட்டுள்ளது.
News April 30, 2025
நேருவின் பொன்மொழிகள்
*கடப்பதற்கு தடைகளும் தீர்ப்பதற்கு பிரச்னைகளும் இல்லை என்றால் வாழ்க்கை உப்பு சப்பற்று போய்விடும். *செயலுக்கு முன்பே விளைவுகள் குறித்து எண்ணி அஞ்சுகின்ற கோழைக்கு வெற்றி என்பது வெகுதூரம். *உண்மையை சில சமயம் அடக்கி வைக்க முடியும் ஆனால் ஒடுக்கிவிட முடியாது. *அச்சம் போன்று மிக மோசமாக ஆபத்து எதுவுமில்லை. *தோல்வி என்பது அடுத்த காரியத்தை கவனமாக செய் என்பதற்கான எச்சரிக்கை.
News April 30, 2025
2026 ஆசிய போட்டிகளில் MMA, கிரிக்கெட் சேர்ப்பு!
2026-ம் ஆண்டு ஜப்பானில் நடைபெற உள்ள ஆசிய போட்டிகளில் கலப்பு தற்காப்பு கலைகள் (MMA) போட்டி முதன்முறையாக அறிமுகம் செய்யப்பட உள்ளது. அதேபோல், கொரோனா காரணமாக ஒத்திவைக்கப்பட்ட கிரிக்கெட்டும் இந்த போட்டியில் மீண்டும் சேர்க்கப்பட்டுள்ளது. வரும் செப். 19 முதல் அக்.4-ம் தேதி வரை நடைபெறும் இந்த விளையாட்டு திருவிழாவில், 15,000 வீரர்கள் பங்கேற்பார்கள் என எதிர்பார்க்கப்படுகிறது.