News September 15, 2025
புதுவை: ரூ.23.77 கோடி மானியம் வழங்க கவர்னர் ஒப்புதல்
புதுச்சேரியில் அரசு உதவி பெறும் ஆசிரியர்கள், ஊழியர்கள் மற்றும் ஓய்வூதியர்களுக்கு கடந்த 7 மாதங்களாக சம்பளம் வழங்கவில்லை. இதனைக் கண்டித்து அரசு நிதி உதவிபெறும் ஆசிரியர்கள், ஊழியர்கள் மற்றும் ஓய்வூதியர்கள் தொடர் போராட்டம் நடத்தி வந்தனர். ஆசிரியர்களின் 5 மாத சம்பளம் மற்றும் ஓய்வூதியர்களுக்கு நிலுவைத் தொகை என மொத்தம் ரூ.23.77 கோடி மானியம் வழங்க கவர்னர் கைலாஷ்நாதன் நேற்று ஒப்புதல் அளித்துள்ளார்.
Similar News
News September 15, 2025
புதுச்சேரி: எம்.எல்.ஏ நேரு கோரிக்கை
புதுச்சேரியில் தமிழுக்காக போராட்டம் நடத்துபவர்கள் வணிக நிறுவனங்களுக்கு சென்று விளம்பரம் மற்றும் பெயர்ப் பலகைகளை அடித்து நொறுக்குவது ஏற்புடையதல்ல. தமிழுக்கான இந்த போராட்டங்கள் வன்முறையாக மாறக்கூடாது. இதனால் சட்டம் ஒழுங்கு பிரச்னை ஏற்படும் அபாயம் உள்ளது. வணிக நிறுவனங்களின் பெயர்ப் பலகைகளை நொறுக்கி சேதப்படுத்துவது வருந்தத்தக்கது. எனவே இச்செயலில் ஈடுபட வேண்டாம் என எம்.எல்.ஏ நேரு தெரிவித்துள்ளார்.
News September 15, 2025
புதுவை அரசு பள்ளியில் தற்காப்பு கலை பயிற்சி
திருக்கனுார், கூனிச்சம்பட்டு அண்ணா அரசு பள்ளியில் ‘மிஷன் வீரமங்கை’ என்ற தலைப்பில் தற்காப்புக் கலை பயிற்சி நிறைவு விழா பள்ளி வளாகத்தில் சீனியர் எஸ்.பி., ஈஷா சிங் ஏற்பாட்டில் நடந்தது. விழாவில், திருக்கனுார் சப்-இன்ஸ்பெக்டர் பிரியா கலந்து கொண்டு, தற்காப்புக் கலை பயிற்சியில் சிறந்து விளங்கிய 5 மாணவிகளுக்கு வீரமங்கை விருதும், பங்கு பெற்ற அனைத்து மாணவிகளுக்கும் சான்றிதழ்களும் வழங்கினார்.
News September 15, 2025
புதுவை பாண்லே ஊழியரிடம் 6 சவரன் நகை பறிப்பு
புதுவை சண்முகாபுரத்தைச் சேர்ந்த பாண்லே அலுவலகத்தின் சீனியர் அசிஸ்டென்ட் விஜயலட்சுமி என்பவர் நேற்று முன்தினம் இரவு கதிர்காமத்தில் உறவினர் வீட்டில் இருந்த தனது மகள்களை அழைத்து கொண்டு ஸ்கூட்டரில் வீட்டிற்கு செல்லும்போது, பின்னால் பைக்கில் வந்த நபர், விஜயலட்சுமி கழுத்தில் அணிந்திருந்த 6 சவரன் தாலி செயினை பறித்து தப்பி சென்றதாக கொடுக்கப்பட்ட புகாரின்பேரில் மேட்டுப்பாளையம் போலீசார் வழக்கு பதிந்துள்ளனர்.