News September 12, 2025
பிரேசில் முன்னாள் அதிபருக்கு 27 ஆண்டுகள் சிறை
பிரேசில் முன்னாள் அதிபர் போல்சனரோவிற்கு 27 ஆண்டுகள் + 3 மாதம் சிறை தண்டனை விதித்து அந்நாட்டு சுப்ரீம் கோர்ட் உத்தரவிட்டுள்ளது. தீவிர வலதுசாரியான போல்சனரோ, கடந்த 2022 பொதுத் தேர்தலில் தோல்வியடைந்த பிறகு, தற்போதைய ஆட்சியை கவிழ்த்து, அதன் மூலம் அதிகாரத்தை கைப்பற்ற முயற்சித்ததாக அவர் மீது வழக்கு தொடரப்பட்டது. ஆனால், அவருக்கு தண்டனை விதிக்கப்பட்டது துரதிர்ஷ்டவசமானது என டிரம்ப் தெரிவித்துள்ளார்.
Similar News
News September 13, 2025
அறிஞர் அண்ணா பொன்மொழிகள்
*உழைத்து வாழ்பவனே வணங்கத்தக்கவன்; வாழ்த்துகுரியவன் ; அந்த உழைப்பாளிக்கு ஊறு ஏற்படுத்துவது சமுதாயத்தின் நல்வாழ்வையே புரையேறச் செய்வதாகும். *விதியை நம்பி, மதியை பறிகொடுத்து பகுத்தறிவற்ற மனிதர்களாக வாழ்வது மிக மிக கேடு. *சமத்துவம், சமதர்மம் போன்ற லட்சியங்களைப் பேசுவது சுலபம். சாதிப்பது கடினம். *கண்டனத்தை தாங்கிக்கொள்ளும் திடமனம் இல்லையென்றால் கடமையை நிறைவேற்ற முடியாது.
News September 13, 2025
“புதிய காரை தவெக கொடுத்திட்டாங்க”
தவெக மாநாட்டில் கொடிக்கம்பம் விழுந்து உடைந்த தன்னுடைய காருக்கு மாற்று கார் வழங்கப்பட்டதாக அதன் உரிமையாளர் தெரிவித்துள்ளார். தவெக தலைமை சொன்னபடி புதிய கார் கொடுக்காததால் அதன் உரிமையாளர் தினேஷ்குமாரின் வாழ்வாதாரம் பாதிக்கப்பட்டுள்ளதாக செய்திகள் பரவின. இதை மறுத்துள்ள தினேஷ்குமார், கட்சி தரப்பில் தனக்கு புதிய கார் தந்துவிட்டதாகவும், அதை விஜய்யின் கையில் வாங்குவதற்காக காத்திருப்பதாகவும் கூறினார்.
News September 13, 2025
ஆட்டத்தை ஆரம்பித்த கமல்ஹாசன்
கமல்ஹாசனின் அடுத்த படத்தில் மலையாள கதை எழுத்தாளர் ஷியாம் புஷ்கரன் இணைந்துள்ளார். ‘தக் லைஃப்’ படத்திற்கு பிறகு அன்பு அறிவு இயக்கத்தில் கமல் நடிப்பார் என அறிவிக்கப்பட்டது. ஆனால் ஏனோ படப்பிடிப்பு தொடங்காமல் இருந்தது. இந்த நிலையில் கும்பலாங்கி நைட்ஸ், மகிஷிண்டே பிரதிகாரம் படங்களின் எழுத்தாளர் ஷியாம் புஷ்கரன் இப்படத்தில் பணியாற்றவார் என அறிவிக்கப்பட்டுள்ளது. இது அதிரடி ஆக்ஷன் படமாக உருவாகிறது.