News September 12, 2025
2026 தேர்தலுக்கு தயாராகும் கமல்ஹாசன்
2026 தேர்தல் தொடர்பாக மநீம நிர்வாகிகளுடன் கமல்ஹாசன் ஆலோசனை நடத்தவுள்ளார். சென்னையில் வரும் 18-ம் தேதி முதல் 21-ம் தேதி வரை கட்சியின் மாநில, மாவட்ட நிர்வாகிகளை கமல்ஹாசன் சந்திக்கவுள்ளார். இதில் 2026 தேர்தல் கூட்டணி மற்றும் எத்தனை தொகுதிகளில் போட்டியிடுவது தொடர்பாக அவர் ஆலோசிக்க உள்ளதாக கூறப்படுகிறது. கடந்த 2021 தேர்தலில் மநீம போட்டியிட்ட பெரும்பாலான தொகுதிகளில் டெபாஸிட் இழந்தது குறிப்பிடத்தக்கது.
Similar News
News September 12, 2025
இந்தியா Vs பாக். டிக்கெட் விற்பனை மந்தம்
ஆசிய கோப்பையில் இந்தியா-பாகிஸ்தான் போட்டிக்கான டிக்கெட்டுகள் இன்னும் விற்றுத் தீராமல் உள்ளன. சில மாதங்களுக்கு முன்பாக சாம்பியன்ஸ் டிராபி தொடரில் இவ்விரு அணிகளுக்கு இடையிலான போட்டியின் டிக்கெட்டுகள் 4 நிமிடங்களுக்குள் காலியாகின. ஆனால் இம்முறை லோயர் ஸ்டாண்ட் டிக்கெட்டுகள் மட்டுமே விற்பனையாகியுள்ளதாக விற்பனையாளர்கள் கூறுகின்றனர். ஜாம்பவான்கள் கோலி, ரோகித் இல்லாதது இதற்கான காரணமாக பார்க்கப்படுகிறது.
News September 12, 2025
4 மாவட்டங்களுக்கு இன்று ‘மஞ்சள்’ எச்சரிக்கை
மயிலாடுதுறை, நாகை, கடலூர், விழுப்புரம் மாவட்டங்களில் இன்று(செப்.12) பலத்த மழை பெய்ய வாய்ப்புள்ளதால் IMD ‘மஞ்சள்’ எச்சரிக்கை விடுத்துள்ளது. மேலும், சென்னை மற்றும் புறநகர் பகுதிகளில் இடி, மின்னலுடன் கூடிய மிதமான மழை பெய்ய வாய்ப்புள்ளதாகவும் கணிக்கப்பட்டுள்ளது. தென் தமிழக கடலோர பகுதிகள், மன்னார் வளைகுடா, குமரிக்கடலில் இன்றும், நாளையும் 60 KM வேகத்தில் காற்று வீசும் எனவும் கூறப்பட்டுள்ளது.
News September 12, 2025
Health Tips: இத தினமும் பண்ணா முதுகுவலிக்கு BYE சொல்லலாம்
முதுகு வலி இருப்பவர்கள் சில உடற்பயிற்சிகளை செய்தால், அது மேலும் வலியை அதிகரிக்க செய்யும். அதனால் எந்த உடற்பயிற்சி முதுகு வலியை நீக்கும் என தெரியாமல் தவிப்பர். இனி இந்த குழப்பம் வேண்டாம். தினமும் 78 நிமிடங்களுக்கு மேல் நடப்பவர்களுக்கு முதுகு வலி வருவதற்கான வாய்ப்பு 13% வரை குறைவதாக டாக்டர்கள் கூறுகின்றனர். இதோடு, கால்சியம் நிறைந்த உணவுகளை சாப்பிடுவதும் அவசியம். SHARE.