News September 11, 2025
புதுகை: அரசு அலுவலகத்தின் வாகனம் ஏலம்!
புதுகை மாவட்ட ஆட்சியர் அலுவலகம் உதவி இயக்குநர் (தணிக்கை) அலுவலகத்தில் வரும் செப்.26-ம் தேதி காலை 10 மணிக்கு TN55 G 0379 என்ற பதிவு எண் கொண்ட மகேந்திரா பொலிரோ வாகனம் ஏலம் விடப்பட உள்ளது. இதனை ஏலம் எடுக்க விரும்புவோர் செப்.24-ம் தேதி காலை 10 மணிக்கு அடையாள அட்டை, ஜிஎஸ்டி என்னுடன் ரூ.2000 முன்பணம் செலுத்தி, வாகனத்தை ஏலம் எடுத்துக் கொள்ளலாம் என ஆட்சியர் அருணா தெரிவித்துள்ளார்.
Similar News
News September 11, 2025
புதுகை : நாளை எங்கெல்லம் முகாம் தெரியுமா?
புதுக்கோட்டை ஒன்றியத்தில் பெருங்கொண்டான் விடுதி, குன்றாண்டார் கோவில் ஒன்றியம் வந்தனாக்கோட்டை, அன்னவாசல் ஒன்றியம் வீரப்பட்டி, அறந்தாங்கி ஒன்றியம் சுப்பிரமணியபுரம், அரிமளம் ஒன்றியம் இசேவை மையக்கட்டிடடம், பொன்னமராவதி பேரூராட்சி அம்மன் சமுதாயகூடம் உள்ளிட்ட இடங்களில் நாளை(செப்.12) நடக்கும் ‘உங்களுடன் ஸ்டாலின்’ திட்ட முகாம்களை பொதுமக்கள் பயன்படுத்தி கொள்ள கலெக்டர் மு.அருணா அழைப்பு விடுத்துள்ளார்.
News September 11, 2025
புதுகை: அம்பேத்கார் உருவ சிலைக்கு முன் திருமணம்
புதுக்கோட்டை நீதிமன்ற வளாகத்தில் உள்ள அம்பேத்கர் உருவ சிலைக்கு முன் விடுதலை கட்சி நிர்வாகி சிறுத்தை சிவா தலைமையில், கணபதிபுரத்தைச் சேர்ந்த காதல் ஜோடி மகேஷ்வரன்-பிரியா ஆகியோர் மாலை மாற்றி ஜாதி மறுப்பு திருமணம் செய்தனர். இந்த திருமணத்தில் பங்கேற்று பலரும் வாழ்த்து தெரிவித்தனர்.
News September 11, 2025
புதுக்கோட்டையில் 20,000 டன் நெல் கொள்முதல் இலக்கு
புதுக்கோட்டை மாவட்டத்தில் இவ்வாண்டு 60 நேரடி நெல் கொள்முதல் நிலையங்கள் திறக்கப்பட்டு, 20,000 டன் நெல்லைக் கொள்முதல் செய்ய இலக்கு நிர்ணயம் செய்யப்பட்டுள்ளதாக ஆட்சியர் மு.அருணா தெரிவித்துள்ளார். கடந்தாண்டு 45 நிலையங்கள் மூலம் 15,218 டன் நெல் வாங்கப்பட்டு ரூ.36.78 கோடி விவசாயிகளின் கணக்கில் செலுத்தப்பட்டது. நெல்லை பாதுகாப்பாக சேமித்து பணம் நேரடியாக வழங்க நடவடிக்கை எடுக்கப்படும் எனவும் கூறியுள்ளார்.