News September 11, 2025
உதயநிதி ஸ்டைலில் அன்புமணி எடுத்த செங்கல்!
2021 தேர்தல் பிரசாரத்தின்போது, எய்ம்ஸ் ஹாஸ்பிடலின் கட்டுமான பணிகள் தொடங்கப்படாததை விமர்சிக்கும் வகையில், AIIMS என எழுதப்பட்ட செங்கலை காட்டி உதயநிதி பரப்புரை மேற்கொண்டார். இந்நிலையில், கடலூரில் மருத்துவக் கல்லூரி கட்டுவதற்காக திமுக அரசால் நாட்டப்பட்ட அடிக்கல்லை தேடி கண்டுபிடித்து கொண்டு வந்ததாக, அன்புமணி கூறினார். கல்லூரி கட்டுமானத்தை அரசு விரைந்து முடிக்க வேண்டும் என்றும் அவர் வலியுறுத்தினார்.
Similar News
News September 11, 2025
மரியாதை செய்யாத விஜய்.. வெடித்த அடுத்த சர்ச்சை
TVK தலைவர் விஜய், அடுத்த சர்ச்சையில் சிக்கியிருக்கிறார். இமானுவேல் சேகரனின் நினைவு தினத்தையொட்டி, உதயநிதி, நயினார், சீமான் உள்ளிட்ட தலைவர்கள் நேரில் மரியாதை செலுத்தினர். ஸ்டாலின், இபிஎஸ் தங்களது X பக்கத்தில் மரியாதை செலுத்தினர். ஆனால், விஜய் ஒரு பதிவு கூட போடவில்லை. இதுகுறித்து திமுகவின் ராஜீவ் காந்தி கேள்வி எழுப்பியுள்ளார். ஆனால், தவெகவினர் நேரில் அஞ்சலி செலுத்துவார்கள் என கூறப்படுகிறது.
News September 11, 2025
தாத்தா வேண்டாம், பாட்டன் பெயர் வைக்கலாம்: சீமான்
மதுரை ஏர்போர்ட்டுக்கு பசும்பொன் முத்துராமலிங்க தேவர் பெயரை சூட்ட வேண்டும் என EPS கூறியதற்கு கிருஷ்ணசாமி, ஜான் பாண்டியன் ஆகியோர் எதிர்ப்பு தெரிவித்தனர். இந்நிலையில், ஏர்போர்ட்டுக்கு தாத்தாக்கள் முத்துராமலிங்க தேவர், இமானுவேல் சேகரன் என யார் பெயரும் வைக்க வேண்டாம் என சீமான் கூறியுள்ளார். மாறாக, பாட்டன் பாண்டியன் நெடுஞ்செழியன் பெயரை வைக்கலாம் என்றும் அவர் பரிந்துரைத்துள்ளார். உங்கள் கருத்து என்ன?
News September 11, 2025
ஸ்டாலின் குடும்பத்தில் பெரும் துயரம்.. அமைச்சர்கள் இரங்கல்
CM ஸ்டாலின் மருமகன் சபரீசனின் தந்தை வேதமூர்த்தி(80) மறைவுக்கு அரசியல் தலைவர்கள் பலரும் இரங்கல் தெரிவித்து வருகின்றனர். அமைச்சர்கள் தங்கம் தென்னரசு, PTR பழனிவேல் தியாகராஜன், சாத்தூர் ராமச்சந்திரன், MRK பன்னீர்செல்வம், MP வில்சன் உள்ளிட்டோர் தங்களது X பக்கத்தில் இரங்கல் தெரிவித்துள்ளனர். இதனிடையே, ஓசூர் சென்றுள்ள CM ஸ்டாலின் நாளைய திட்டத்தை ரத்து செய்துவிட்டு சென்னை திரும்ப உள்ளார்.