News September 9, 2025
நிபந்தனையுடன் விஜய் பரப்புரைக்கு அனுமதி
தவெக தலைவர் விஜய்யின் தேர்தல் பரப்புரைக்கு கடும் கட்டுப்பாடுகளுடன் திருச்சி காவல்துறை அனுமதி அளித்துள்ளது. வரும் 13-ம் தேதி திருச்சி காந்தி மார்க்கெட், மரக்கடை பகுதிகளில் பிரச்சார வாகனத்தில் நின்றபடி மட்டுமே பரப்புரை மேற்கொள்ள வேண்டும். பரப்புரையின்போது ரோடு ஷோ நடத்தக்கூடாது, அதிக வாகனங்கள் பின் தொடரக்கூடாது உள்ளிட்ட பல்வேறு கட்டுப்பாடுகளை போலீசார் விதித்துள்ளனர்.
Similar News
News September 10, 2025
மோசம் செய்த BCCI.. ட்ரெண்டிங்கில் #BoycottAsiaCup!
X தளத்தில் #BoycottAsiaCup ஹேஷ்டேக் ட்ரெண்டாகி வருகிறது. பஹல்காம் தாக்குதலுக்கு பிறகும், ஏன் BCCI பாகிஸ்தானுடன் கிரிக்கெட் விளையாட ஒப்புக்கொண்டது என பலரும் கொந்தளித்து வருகின்றனர். நாட்டுப்பற்றை விட, பணம் முக்கியமானதாக போய்விட்டதா என்றும் கூட சிலர் கடுமையான விமர்சனங்களை முன்வைக்கின்றனர். வரும் 14-ம் தேதி இந்தியா பாகிஸ்தானுடன் விளையாடவுள்ள நிலையில், இது குறித்து நீங்க என்ன சொல்றீங்க?
News September 10, 2025
இந்தியாவில் ஐபோன் 17 சீரிஸ் விலை
ஆப்பிள் நிறுவனம் அறிமுகம் செய்துள்ள ஐபோன் 17 இந்தியாவில் ₹82,900 விற்கப்படும். இதன் ஸ்டோரேஜ் வசதி 256GB. அதுவே 512GB ஸ்டோரேஜ் ஐபோன் ₹1,02,900க்கு கிடைக்கும். 256GB ஸ்டோரேஜ் உடைய ஐபோன் ஏர் ₹1,19,900க்கும், 512GB ஸ்டோரேஜ் ₹1,39,900க்கும் மற்றும் 1TB ஸ்டோரேஜ் ₹1,59,900க்கும் விற்கப்படவுள்ளது. ஐபோன் 17 ப்ரோ ஆரம்ப விலை ₹1,34,900 ஆகும். அதுவே 256GB ஐபோன் 17 ப்ரோ மேக்ஸ் ₹1,49,900க்கு விற்கப்படவுள்ளது.
News September 10, 2025
அடுத்த நேபாள பிரதமர் ராப் பாடகர்?
அண்டை நாடான நேபாளத்தில் ஜென் Z இளைஞர்களின் போராட்டத்தால் கே.பி. சர்மா ஒலியின் கம்யூ., ஆட்சி கவிழ்ந்தது. தற்போது அங்கு ராணுவ ஆட்சி அமலுக்கு வந்துள்ள நிலையில், அடுத்த பிரதமர் யார் என்ற விவாதம் தொடங்கியுள்ளது. இதில் காத்மாண்டு மேயரான பிரபல ராப் பாடகர் பாலேந்திர ஷா பெயர் முன்னிலையில் இருக்கிறது. அவருக்கு சமூக ஊடகங்களில் இளைஞர்களிடம் இருந்து பெரும் ஆதரவு கிடைத்துள்ளது.