News September 8, 2025
முதலமைச்சரை வரவேற்ற கீழ்பென்னாத்தூர் எம்எல்ஏ
ஜெர்மனி மற்றும் இங்கிலாந்து ஆகிய நாடுகளுக்கு அரசு முறை பயணம் மேற்கொண்டு, ரூ.15,516 கோடி முதலீடுகளை ஈர்த்துவிட்டு, முதலமைச்சர் மு.க.ஸ்டாலின் விமானம் மூலம் சென்னை வந்தடைந்தார். அவரை திருவண்ணாமலை மாவட்டம் கீழ்பென்னாத்தூர் சட்டமன்ற உறுப்பினரும், சட்டப்பேரவை துணைத் தலைவருமான கு.பிச்சாண்டி வரவேற்றார்.
Similar News
News September 9, 2025
BREAKING: தி.மலை வரும் விஜய்
நடிகர் விஜய், தவெக என்ற கட்சியை தொடங்கி 2026 தேர்தலை நோக்கி பணிகளை மேற்கொண்டு வருகிறார். விக்கிரவாண்டி மற்றும் மதுரையில் தவெகவின் முதல் 2 மாநாடுகளை வெற்றிகரமாக முடித்த கையோடு, மாவட்ட வாரியாக பிரசாரம் மேற்கொள்ள உள்ளார். செப்.13 திருச்சியில் தனது பிரசாரத்தை தொடங்கும் விஜய் அக்.18ல் தி.மலையில் பிரசாரம் மேற்கொள்ள உள்ளார். தங்கள் பகுதிக்கு வரும் தலைவர் விஜயை காண தொண்டர்கள் ஆர்வமாக உள்ளனர்.
News September 9, 2025
தி.மலை: உள்ளூரில் அரசு வேலை
தி.மலை மாவட்டம், ஊரக வளர்ச்சி மற்றும் ஊராட்சித்துறையில், ஆரணி, சேத்துப்பட்டு, செய்யார், ஜவ்வாதுமலை, போளூர், தெள்ளார், திருவண்ணாமலை, வந்தவாசி, வெம்பாக்கம் மேற்கு ஆரணி உள்ளிட்ட ஊராட்சி ஒன்றியங்களில் காலியாக உள்ள ஓட்டுநர், எழுத்தர், அலுவலக உதவியாளர், மற்றும் இரவுக்காவலர் பணியிடங்களுக்கு தகுதியுடையோர் www.tnrd.tn.gov.in என்ற இணையதளம் மூலம் செப்டம்பர் 30-ஆம் தேதிக்குள் விண்ணப்பிக்கலாம்.
News September 9, 2025
BREAKING: தி.மலை- மின்சாரம் தாக்கி ஒருவர் பலி
தி.மலை மாவட்டம் சின்னக்காயம்பட்டு கிராமத்தில் மின் கம்பம் பழுதுபார்க்க சென்ற சேகர் என்பவர் மின்சாரம் தாக்கி உயிரிழந்தார். ஒருவரின் நிலத்திற்கு மின் தடை ஏற்பட்டதால் அதை சரிசெய்ய சென்றபோது, மின்சாரம் துண்டிக்கப்பட்டதாக எண்ணி கம்பியை தொட்டபோது இந்த விபத்து நிகழ்ந்தது. குறிப்பிட்ட மின் கம்பத்திற்கான டிரான்ஸ்ஃபார்மருக்கு பதிலாக, வேறு டிரான்ஸ்ஃபார்மரை அணைத்ததால் இந்த விபத்து நடந்ததாக கூறப்படுகிறது.